சமீபத்தில் இணையதளம் முழுவதும் பரபரப்பாக பேசப்பட்ட செய்தி வனிதா விஜயகுமார் மற்றும் பீட்டர் பாலின் திருமணம் மற்றும் அதன் தொடர்பான விமர்சனங்கள்.
கடந்த ஜூன் 27ஆம் தேதி பீட்டர் பால் என்பவரை வனிதா திருமணம் செய்து கொண்டார். இவர்கள் திருமணமான மறுநிமிடமே பீட்டர் பாலின் முதல் மனைவி எலிசபெத் ஹெலன் தங்களுக்கு இன்னும் விவாகரத்து ஆகவில்லை என்ற பிரச்சினையை முன் வைத்தார்.
அன்றிலிருந்து அனைவரது விமர்சனத்திற்கும் கடுமையாக உள்ளாக்கப்பட்ட வனிதா, அவர்களுக்கு தக்க பதிலடி கொடுத்து வந்தார். இதில் நடிகை லட்சுமி ராமகிருஷ்ணன், கஸ்தூரி, தயாரிப்பாளர் ரவீந்தர் மற்றும் சூரிய தேவி என்ற பெண் வனிதாவை மிகக் கடுமையாக விமர்சனம் செய்து வந்தார்கள்.
இவர்களுக்கு பதிலடி கொடுத்து வந்த வனிதா இவர்கள் மீது போலீசில் புகார் அளித்தார். இதைத் தொடர்ந்து சூர்யா தேவி என்ற பெண் கைது செய்யப்பட்டு தற்போது ஜாமீனில் வெளிவந்துள்ளார்.
தற்போது புதிய தகவல் என்னவென்றால் ஜாமினில் வெளிவந்த சூர்யா தேவிக்கு கொரோனா இருப்பதாக தற்போது உறுதி செய்யப்பட்டுள்ளது. மேலும் கொரோனா உறுதிசெய்யப்பட்டது முதல் சூர்யா தேவியை காணவில்லை என்றும் இவரை போலீசார் மற்றும் சுகாதாரத்துறை அதிகாரிகள் தேடி வருவதாகவும் வனிதா தற்போது செய்தி வெளியிட்டுள்ளார்.
இதை தொடர்ந்து வனிதா விஜயகுமார் மற்றும் அவரது குடும்பத்தினர் மற்றும் அவரது அருகில் இருப்பவர்கள் அனைவருக்கும் கொரோனா டெஸ்ட் எடுக்கப்பட்டுள்ளது. மேலும் சூர்யா தேவியுடன் தொடர்பில் இருந்த அனைவருக்கும் கொரோனா டெஸ்ட் எடுக்கப்பட்டு வருகிறது.
தற்போது வனிதா விஜயகுமார் தங்களது கொரோனா டெஸ்ட் ரிசல்ட்டை வெளியிட்டுள்ளார். தனக்கும் தனது குடும்பத்தார் அனைவருக்கும் கொரோனா நெகடிவ் வந்துள்ளதாகவும், யாரும் பாதிக்கப்படவில்லை என்றும் கூறியுள்ளார்.
மேலும் அவர், கடவுள் அனைவரையும் பார்த்துக் கொண்டுதான் இருக்கிறார் அவர் என்றைக்குமே கெட்டவர்களுக்கு கை கொடுத்ததே இல்லை என்று கூறியிருக்கிறார். அதுமட்டுமின்றி தன் சொந்தங்கள் மற்றும் நண்பர்கள் சுற்றியிருப்பவர்கள் பற்றி துளிகூட அக்கறை இல்லாமல் சூர்யா தேவி இப்படி தலைமறைவாகி கொரோனாவிற்கு ட்ரீட்மென்ட் எடுக்காமல் இருந்து வருகிறார் என்றும் கூறியுள்ளார்.
She really is absconding and sitting somewhere with her poor kids and doing all these videos still.she is being physically close to her friend or relatives kids on camera and putting them in danger as well. pic.twitter.com/zEHQUeIsU2
— Vanitha (@vanithavijayku1) July 27, 2020
தற்போது வனிதா விஜயகுமார் பிரச்சனையில் நடிகை கஸ்தூரி, லட்சுமி ராமகிருஷ்ணன் உள்ளிட்டோர் தங்கள் கருத்துகளையும் விமர்சனங்களையும் இன்றும் பதிவிட்டு தான் வருகிறார்கள்.
