தமிழ் சினிமாவில் முன்னணி நடிகர்களில் ஒருவராக வலம் வருபவர் ‘தளபதி’ விஜய். இவரது புதிய படமான ‘வாரிசு’வை இயக்குநர் வம்சி இயக்கியுள்ளார். இந்த படத்தில் விஜய்-க்கு ஜோடியாக ராஷ்மிகா மந்தனா நடித்துள்ளார்.
இப்படம் வருகிற பொங்கல் பண்டிகையை முன்னிட்டு ஜனவரி 11-ஆம் தேதி ரிலீஸாகவிருக்கிறது. இந்நிலையில், இந்த படத்தில் கலை இயக்குநராக பணியாற்றிய சுனில் பாபு (வயது 50) மாரடைப்பால் இயற்கை எய்தினார் என தகவல் கிடைத்துள்ளது.
இவரது மறைவுக்கு திரையுலகினர் பலர் சமூக வலைத்தளங்களில் இரங்கல் தெரிவித்து வருகின்றனர். சுனில் பாபு ஏற்கனவே ‘சீதா ராமம், எம்.எஸ்.தோனி, இனம்’ போன்ற பல படங்களுக்கு கலை இயக்குநராக பணியாற்றியிருந்தது குறிப்பிடத்தக்கது.
