நடிகர் விஜய் நடிக்கும் அடுத்த படமான வாரிசு படத்தின் பூஜை சென்னையில் சில மாதங்களுக்கு முன்னர் நடந்தது . அதன் பிறகு படத்தின் முதல் கட்ட படப்பிடிப்பு சென்னையில் சில நாட்கள் நடந்தது . அதன் பிறகு படத்தின் இரண்டாம் கட்டப் படப்பிடிப்பு ஹைதராபாத்தில் நடந்து முடிந்துள்ளது.
இந்த படத்தில் நடிகர் விஜய்க்கு ஜோடியாக ராஷ்மிகா நடித்து வருகிறார் . தோழா படத்தை இயக்கிய இயக்குனர் வம்சி இந்த படத்தை இயக்கி வருகிறார் . மேலும் இந்த படத்தில் நடிகர்கள் சரத்குமார் , பிரகாஷ் ராஜ் , பிரபு , நடிகை ஜெயசுதா , நடிகை சங்கீதா மற்றும் பிக் பாஸ் புகழ் சம்யுக்தா ஆகியோர் நடிப்பதாக தகவல் வெளியானது . முழுக்க முழுக்க குடும்ப படமாக இந்த படம் உருவாக இருக்கிறது . இந்த படத்திற்கு வாரிசு என்று தலைப்பு வைத்துள்ளனர் .
இந்நிலையில் இப்படத்தின் இயக்குனர் வம்சி பைடிபள்ளி அவர்களுக்கு திடீர் உடல்நலக்குறைவு ஏற்பட்டுள்ளது . இதனால் அவருக்கு மருத்துவர் ஒரு வாரம் நிச்சயம் ஓய்வு எடுக்க வேண்டும் என்று தெரிவித்துள்ளார். இதனால் வாரிசு படத்தின் படப்பிடிப்பு சில நாட்கள் நிறுத்தப்பட்டது தற்போது இறுதிக்கட்ட படப்பிடிப்பு சென்னையில் நடந்து வருகிறது . இந்நிலையில் வாரிசு படத்தின் முதல் பாடல் தீபாவளி தினம் அன்று வெளியாகும் என்று கூறப்படுகிறது . நடிகர் விஜய் நடிப்பில் வெளியான யூத் படத்தில் இடம்பெற்ற ஆல்தோட்ட பூபதி என்கிற பாடலை இசையமைப்பாளர் தமன் ரீமேக் செய்து உள்ளார் என்று ஏற்கனவே தகவல் வெளியாகி இருந்தது . இதனால் தற்போது இந்த பாடலின் எதிர்பார்ப்பு அதிகரித்துள்ளது .
இது ஒரு பக்கம் இருக்க வாரிசு படத்தின் தயாரிப்பாளர் வாரிசு படத்தை விளம்பர படுத்தும் வகையில் துபாயில் ஒரு நிகழ்ச்சி நடத்த உள்ளார் என்றும் அதில் நடிகர் விஜய் பங்கேற்க உள்ளார் என்ற தகவல் வெளியாகி இருந்தது .
இந்நிலையில் வாரிசு படத்தின் முதல் பாடல் தீபாவளிக்கு வெளியாகும் என்று கூறப்பட்டு வந்தது ஆனால் தீபாவளி தினத்தில் வெளியாகவில்லை . இதனால் ரசிகர்கள் சற்று ஏமாற்றத்தில் இருந்தனர் . ஆனால் யாரும் எதிர்பாராத விதமாக இன்று வாரிசு படத்தின் முதல் பாடலின் ப்ரோமோ இன்று வெளியாகி உள்ளது . இந்த ப்ரோமோ ரசிகர்கள் மத்தியில் வரவேற்பை பெற்று வருகிறது .
