லட்சுமிமேனன் இடத்தில் நடிக்கவுள்ள கீர்த்தி சுரேஷ்!

தமிழ் சினிமாவின் முன்னணி நடிகர்களில் ஒருவரான அஜித் நடிப்பில் வெளியான பிளாக்பஸ்டர் திரைப்படம் தான் ‘வேதாளம்’.

இந்தப் படத்தின் பிரம்மாண்ட வெற்றியை தொடர்ந்து, தற்போது இந்த படம் தெலுங்கில் ரீமேக் செய்யப்பட உள்ளது. தமிழில் நடிகர் அஜித் நடித்த கதாபாத்திரத்தில் தெலுங்கில் பவன் கல்யாண் நடிக்கவிருக்கிறார்.

மேலும் இந்த படத்தில் நடிகர் அஜித்துக்கு தங்கை வேடத்தில் லட்சுமி மேனன் நடித்திருந்தார். தற்போது இந்த வேடத்தில் நடிப்பதற்கு கீர்த்தி சுரேஷை அணுகி ஒப்பந்தம் செய்துள்ளார்கள் என்ற தகவல் வெளியாகியுள்ளது.

ஆக்ஷன், காமெடி, சென்டிமென்ட் என பல கலவைகளை கொண்ட இந்த திரைப்படம் தமிழில் பட்டையை கிளப்பியது. கண்டிப்பாக தெலுங்கிலும் இந்தப் படம் சூப்பர் ஹிட்டாகும் என்று எதிர்பார்க்கப்படுகிறது.