அடேங்கப்பா… விஜய் பாடிய பாடலுக்கு யூடியூபில் இத்தனை கோடி வியூஸா?

தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். விஜய்யின் கடைசி படமான ‘பிகில்’ கடந்த ஆண்டு வெளியாகி மாஸ் ஹிட்டானது. இவர் நடித்திருக்கும் புதிய படமான ‘மாஸ்டர்’ ரிலீஸுக்கு வெயிட்டிங் லிஸ்டில் உள்ளது. இந்த படத்தை லோகேஷ் கனகராஜ் இயக்கியுள்ளாராம்.

இதில் தளபதிக்கு ஜோடியாக மாளவிகா மோகனன் நடித்துள்ளார். தளபதிக்கு எதிரியாக விஜய் சேதுபதி நடித்துள்ளாராம். ‘கொரோனா’ பிரச்சனையால் திரையரங்குகள் மூடப்பட்டுள்ளது. இப்பிரச்சனை முடிந்தவுடன் ரிலீஸ் தேதியை ஃபிக்ஸ் செய்து கொள்ளலாம் என காத்துக் கொண்டிருக்கிறார் இயக்குநர் லோகேஷ் கனகராஜ்.

இந்நிலையில், ‘பிகில்’ படத்தில் விஜய் பாடிய ‘வெறித்தனம்’ பாடல் வீடியோ யூடியூபில் 10 கோடி பார்வையாளர்களை கடந்து சாதனை படைத்துள்ளது. இயக்குநர் அட்லி இயக்கியிருந்த இந்த படத்துக்கு ஏ.ஆர்.ரஹ்மான் இசையமைத்திருந்தார், ஜி.கே.விஷ்ணு ஒளிப்பதிவு செய்திருந்தார். முக்கிய ரோல்களில் நயன்தாரா, விவேக், கதிர், இந்துஜா, ஜாக்கி ஷெராஃப் ஆகியோர் நடித்திருந்தனர்.

https://twitter.com/SonyMusicSouth/status/1304744771399819265