ஜப்பானில் மாஸ் காட்டப்போகும் ‘தளபதி’ விஜய்… ‘மாஸ்டர்’ படக்குழு சொன்ன சூப்பரான தகவல்!

தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். இப்போது விஜய் நடிப்பில் ‘வாரிசு’ மற்றும் இயக்குநர் லோகேஷ் கனகராஜ் படம் என இரண்டு படங்கள் லைன் அப்பில் இருக்கிறது.

இதில் ‘வாரிசு’ படத்தை ‘தோழா’ படம் மூலம் ஃபேமஸான இயக்குநர் வம்சி இயக்குகிறார். இந்த படத்தில் விஜய்-க்கு ஜோடியாக ராஷ்மிகா மந்தனா நடிக்கிறார். இதன் ஷூட்டிங் முடிவடையும் தருவாயில் உள்ளது. படத்தை வருகிற பொங்கலுக்கு ரிலீஸ் செய்ய ப்ளான் போட்டுள்ளனர்.

இதனைத் தொடர்ந்து லோகேஷ் கனகராஜ் இயக்கவிருக்கும் படம் விஜய்யின் கேரியரில் 67-வது படமாம். இதன் ஷூட்டிங்கை வருகிற டிசம்பர் மாதம் ஆரம்பிக்க திட்டமிட்டுள்ளனர்.

‘தளபதி’ விஜய்யின் கேரியரில் மிக முக்கியமான படம் ‘மாஸ்டர்’. கடந்த ஆண்டு (2021) பொங்கலுக்கு ரிலீஸான இந்த படத்தை லோகேஷ் கனகராஜ் இயக்கியிருந்தார். இதில் ஹீரோயினாக மாளவிகா மோகனனும், வில்லனாக விஜய் சேதுபதியும் நடித்திருந்தனர். இதற்கு அனிருத் இசையமைத்திருந்தார். இப்படம் மெகா ஹிட்டானது. தற்போது, இப்படத்தை வருகிற நவம்பர் 18-ஆம் தேதி ஜப்பானில் ‘SENSEI’ என்ற பெயரில் டப் செய்து ரிலீஸ் செய்ய ப்ளான் போட்டுள்ளதாக தகவல் கிடைத்துள்ளது.

Thalapathy Vijay’s #Master to release in #Japan with the title #Sensei, to hit the screens on 18th of November! pic.twitter.com/rLEPmb3RrL

— MTFC RAWANG VMI (@MtfcVmi) October 30, 2022