சினிமாவில் பாப்புலர் ஹீரோக்களில் ஒருவராக வலம் வருபவர் விஜய் ஆண்டனி. இவர் நடிப்பில் ‘அக்னிச் சிறகுகள், காக்கி, மழை பிடிக்காத மனிதன், வள்ளி மயில், ரோமியோ, ஹிட்லர்’ என ஆறு படங்கள் லைன் அப்பில் இருக்கிறது.
இதில் ‘வள்ளி மயில்’ படத்தை பாப்புலர் இயக்குநர்களில் ஒருவரான சுசீந்திரன் இயக்கி வருகிறார். இந்த படத்தில் விஜய் ஆண்டனி போலீஸாக வலம் வரப்போகிறார். அவருக்கு ஜோடியாக ஃபரியா அப்துல்லா நடிக்கிறார்.
மேலும், மிக முக்கிய ரோல்களில் பாரதிராஜா, சத்யராஜ், சுனில், ரெடின் கிங்க்ஸ்லி ஆகியோர் நடிக்கின்றனர். இதற்கு டி.இமான் இசையமைக்கிறார், விஜய்.கே.சக்கரவர்த்தி – வாஞ்சிநாதன் முருகேசன் ஒளிப்பதிவு செய்கின்றனர், ஆண்டனி படத்தொகுப்பாளராக பணியாற்றுகிறார்.
இன்று இதன் டீசரை ரிலீஸ் செய்துள்ளனர். இந்த டீசர் ரசிகர்களிடம் நல்ல வரவேற்பை பெற்று வருகிறது. படத்தை தமிழ் மொழி மட்டுமின்றி ஹிந்தி, தெலுங்கு, மலையாளம், கன்னடம் ஆகிய மொழிகளிலும் ரிலீஸ் செய்யத் திட்டமிட்டுள்ளனர்.
