சினிமாவில் பாப்புலர் ஹீரோக்களில் ஒருவராக வலம் வருபவர் விஜய் ஆண்டனி. இவர் நடிப்பில் ‘அக்னிச் சிறகுகள், காக்கி, கொலை, ரத்தம், மழை பிடிக்காத மனிதன், வள்ளி மயில்’ என 6 படங்கள் லைன் அப்பில் இருக்கிறது.
இதில் த்ரில்லர் ஜானர் படமான ‘கொலை’யை ‘விடியும் முன்’ புகழ் இயக்குநர் பாலாஜி.கே.குமார் இயக்கியுள்ளார். இப்படத்தில் மிக முக்கிய ரோல்களில் ரித்திகா சிங், மீனாக்ஷி சௌத்ரி, ராதிகா சரத்குமார், முரளி ஷர்மா, சித்தார்த்தா ஷங்கர், கிஷோர் குமார், ஜான் விஜய், அர்ஜுன் சிதம்பரம் ஆகியோர் நடித்துள்ளனர்.
சமீபத்தில், வெளியான இதன் பாடல்கள் மற்றும் 2 ட்ரெய்லர்கள் ரசிகர்களிடம் நல்ல வரவேற்பை பெற்றது. படத்தை நாளை (ஜூலை 21-ஆம் தேதி) ரிலீஸ் செய்ய ப்ளான் போட்டுள்ளனர்.
இந்நிலையில், இந்த படத்தின் தயாரிப்பாளர்களில் ஒருவரான தனஞ்செயனின் மனைவி லலிதா இப்படத்தை பார்த்துவிட்டு “ENGAGING & INTELLIGENT க்ரைம் த்ரில்லர் படமான இதில் மேக்கிங் ஸ்டைலிஷாக இருக்கிறது, BGM சூப்பராக இருக்கிறது” என்று பாராட்டியிருப்பதாக தகவல் கிடைத்துள்ளது.
