சினிமாவில் பாப்புலர் ஹீரோக்களில் ஒருவராக வலம் வருபவர் விஜய் ஆண்டனி. இவர் நடிப்பில் ‘பிச்சைக்காரன் 2, அக்னிச் சிறகுகள், காக்கி, தமிழரசன், கொலை, ரத்தம், மழை பிடிக்காத மனிதன், வள்ளி மயில்’ என எட்டு படங்கள் லைன் அப்பில் இருக்கிறது.
இதில் ‘ரத்தம்’ படத்தை பாப்புலர் இயக்குநர்களில் ஒருவரான சி.எஸ்.அமுதன் இயக்கி வருகிறார். இந்த படத்தில் மஹிமா நம்பியார், நந்திதா ஸ்வேதா, ரம்யா நம்பீசன் என மூன்று ஹீரோயின்ஸ் நடித்து வருகின்றனர்.
இதற்கு கண்ணன் நாராயணன் இசையமைத்து வருகிறார், கோபி அமர்நாத் ஒளிப்பதிவு செய்கிறார், டி.எஸ்.சுரேஷ் படத்தொகுப்பாளராக பணியாற்றுகிறார். இதனை ‘இன்ஃபினிட்டி ஃபிலிம் வென்ச்சர்ஸ்’ என்ற நிறுவனம் தயாரித்து வருகிறது.
தற்போது, இதன் டீசரை விஜய் ஆண்டனி தனது ட்விட்டர் பக்கத்தில் ரிலீஸ் செய்துள்ளார். இந்த டீசர் படத்தின் மீதான எக்ஸ்பெக்டேஷன் லெவலை எகிற வைத்துள்ளது.
Home