மாஸ்டர் படத்தின் புது ரிலீஸ் தேதியுடன் விஜய் ரசிகர்களுக்கு மேலும் ஒரு ட்ரீட் காத்திருக்கிறது..!
லோகேஷ் கனகராஜ் இயக்கத்தில் விஜய் நடித்துள்ள மாஸ்டர் திரைப்படம் ரசிகர்கள் மத்தியில் பெரும் வரவேற்பை பெற்று வருகிறது. படத்தின் போஸ்டர் முதல் பாடல்கள் வரை ஒவ்வொன்றையும் ரசிகர்கள் கொண்டாடி மகிழ்ந்து வருகின்றனர். இந்நிலையில் படம் ஏப்ரல் 9ம் தேதி வெளியாகும் என எதிர்ப்பார்த்திருந்த நிலையில், கொரோனா பரவியதால் ரிலீஸ் தேதி அறிவிக்கப்படாமல் மாஸ்டர் ரிலீஸ் தள்ளிப்போனது.
இந்நிலையில் படத்தின் பணிகள் அனைத்தும் முடிவடைந்த நிலையில், ஏப்ரல் 14 பிறகு படத்தை ரிலீஸ் செய்ய படக்குழு முடிவு செய்தனர். ஆனால் யாரும் எதிர்ப்பாராத வகையில் லாக்டவுன் மே 3 வரை நீட்டிக்கப்பட்டதால் படக்குழுவினர் மிகவும் ஏமாந்தப்போயினர். இந்நிலையில் வரும் ஜூன் 22ம் தேதி விஜய்யின் பிறந்தநாள் என்பதால் அன்று படத்தை ரிலீஸ் செய்ய படக்குழுவினர் தற்போது திட்டமிட்டுள்ளனர்.
விஜய்யின் பிறந்தநாளில் படத்தை ரிலீஸ் செய்தால், ரசிகர்கள் உணர்வுப்பூர்வமாக படத்தை அணுகுவார்கள் என்றும் அதன் மூலமாக இழந்த பணத்தை பெற்று விடலாம் என்பது தயாரிப்பு தரப்பினரின் கணக்கு. ஆனால் இந்த திட்டமெல்லாம் கொரோனா மனது வைத்தால் தான் சாத்தியப்படும் என்பதுதான் நிதர்சனம்.
ரிலீஸை படக்குழுவினர் இன்னும் அறிவிக்காத நிலையில் வினியோகஸ்தர்களிடம் மட்டும் இந்த ரகசிய தகவலை அவர்கள் கூறியுள்ளதாகவும் தகவல்.
