‘கொரோனா’ பாதிப்பால் விஜய் பட தயாரிப்பாளர் காலமானார்!

தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். விஜய்யின் கடைசி படமான ‘பிகில்’ கடந்த ஆண்டு வெளியாகி மாஸ் ஹிட்டானது. இவர் நடித்திருக்கும் புதிய படமான ‘மாஸ்டர்’ ரிலீஸுக்கு வெயிட்டிங் லிஸ்டில் உள்ளது.

சமீபத்தில், விஜய்யை வைத்து ‘பகவதி, ப்ரியமுடன்’ ஆகிய படங்களை இயக்கிய ‘லக்ஷ்மி மூவி மேக்கர்ஸ்’ வி.சுவாமிநாதன் ‘கொரோனா’வால் பாதிக்கப்பட்டு சிகிச்சை பெற்று வந்தார். தற்போது, இவர் சிகிச்சை பலனின்றி இயற்கை எய்தினார் என்று தகவல் கிடைத்துள்ளது.

‘லக்ஷ்மி மூவி மேக்கர்ஸ்’ நிறுவனம் சார்பில் ‘உலக நாயகன்’ கமல் ஹாசனின் ‘அன்பே சிவம்’, தனுஷின் ‘புதுப்பேட்டை’, அஜித்தின் ‘உன்னைத் தேடி’, சூர்யாவின் ‘உன்னை நினைத்து’ போன்ற பல படங்கள் தயாரிக்கப்பட்டுள்ளது. தயாரிப்பாளர் வி.சுவாமிநாதன், ‘பகவதி, புதுக்கோட்டையிலிருந்து சரவணன்’ போன்ற படங்களில் நடித்திருக்கிறார். இவரின் மகன் தான் ‘கும்கி, பாஸ் (எ) பாஸ்கரன்’ புகழ் நடிகர் அஷ்வின் என்பது குறிப்பிடத்தக்கது.