சினிமாவில் ஜெயிக்க கடின உழைப்பும், திறமையும் இருந்தால் போதும் யார் வேண்டுமானாலும் சாதித்து மாஸ் காட்டலாம் என்பதற்கு சிறந்த உதாரணம் தான் நடிகர் விஜய் சேதுபதி. இவரது ரசிகர்கள் ‘மக்கள் செல்வன்’ என்று அன்போடு அழைத்து வருகிறார்கள்.
‘மக்கள் செல்வன்’ விஜய் சேதுபதியின் 50-வது படத்தை ‘குரங்கு பொம்மை’ படம் மூலம் ஃபேமஸான இயக்குநர் நித்திலன் சாமிநாதன் இயக்கி வருகிறார். ‘மகாராஜா’ என டைட்டில் சூட்டப்பட்டுள்ள இதில் மிக முக்கிய ரோல்களில் மம்தா மோகன்தாஸ், அனுராக் காஷ்யப், நட்ராஜ் ஆகியோர் நடித்துள்ளனர்.
இதற்கு அஜனீஷ் பி லோக்நாத் இசையமைத்து வருகிறார், தினேஷ் புருஷோத்தமன் ஒளிப்பதிவு செய்துள்ளார், பிலோமின் ராஜ் படத்தொகுப்பாளராக பணியாற்றுகிறார். சமீபத்தில், இந்த படத்தின் ஃபர்ஸ்ட் லுக் போஸ்டரை ரிலீஸ் செய்தனர்.
இந்த ஃபர்ஸ்ட் லுக் போஸ்டர் ரசிகர்களிடம் நல்ல வரவேற்பை பெற்றது. அதுமட்டுமின்றி, படத்தின் மீதான எதிர்பார்ப்பையும் எகிற வைத்தது. தற்போது, இப்படத்தை வருகிற பிப்ரவரி 9-ஆம் தேதி ரிலீஸ் செய்யத் திட்டமிட்டுள்ளதாக தகவல் கிடைத்துள்ளது.
