சினிமாவில் ஜெயிக்க கடின உழைப்பும், திறமையும் இருந்தால் போதும் யார் வேண்டுமானாலும் சாதித்து மாஸ் காட்டலாம் என்பதற்கு சிறந்த உதாரணம் தான் நடிகர் விஜய் சேதுபதி. இவரது ரசிகர்கள் ‘மக்கள் செல்வன்’ என்று அன்போடு அழைத்து வருகிறார்கள்.
இப்போது, ‘மக்கள் செல்வன்’ விஜய் சேதுபதி நடிப்பில் 12 படங்கள் லைன் அப்பில் இருக்கிறது. ‘கொரோனா’ லாக் டவுனுக்கு முன்பே விஜய் சேதுபதி நடித்துள்ள புதிய படமான ‘க/பெ.ரணசிங்கம்’-யின் ஷூட்டிங் முடிந்து விட்டது. இப்படம் வருகிற அக்டோபர் 2-ஆம் தேதி பிரபல OTT தளமான ‘ஜீ ப்ளெக்ஸ்’-யில் ரிலீஸாக உள்ளது.
இந்நிலையில், படத்தின் தயாரிப்பு நிறுவனமான ‘KJR ஸ்டுடியோஸ்’ விஜய் சேதுபதி ரசிகர்களுக்காக இதன் மூன்றாவது சிங்கிள் டிராக்கான ‘பறவைகளா’-வை ட்விட்டரில் வெளியிட்டுள்ளது. இப்பாடல் மக்கள் செல்வன் ரசிகர்களின் ப்ளேலிஸ்டில் இடம்பிடித்துள்ளது. இதற்கு பாப்புலரான இசையமைப்பாளர் ஜிப்ரான் இசையமைத்துள்ளார். ‘கவிப்பேரரசு’ வைரமுத்து எழுதியுள்ள இப்பாடலை மணிகண்டன் பாடியுள்ளார். ஐஸ்வர்யா ராஜேஷ் ஹீரோயினாக நடித்துள்ள இந்த படத்தை இயக்குநர் பி.விருமாண்டி இயக்கி உள்ளார்.
சாதி மத பேதமற்று , உற்றார் உறவினர் நண்பர்கள் சுக துக்கமின்றி, குதிரைக்கு கடிவாளம் கட்டியது போல ஓடி கொண்டிருக்கும்
“குடி பெயர்ந்தோருக்கு” எங்கள் சமர்ப்பணம்! #Paravaigala https://t.co/RH1hQZojOp#KaPaeRanasingamonZee #KaPaeRanasingam@VijaySethuOffl @aishu_dil @pkvirumandi1— KJR Studios (@kjr_studios) September 23, 2020
