சினிமாவில் டாப் ஹீரோக்களில் ஒருவராக வலம் வருபவர் சூர்யா. இப்போது சூர்யா நடிப்பில் வெற்றிமாறன் இயக்கும் ‘வாடிவாசல்’, இயக்குநர் பாலா இயக்கும் படம் என இரண்டு படங்கள் லைன் அப்பில் இருக்கிறது. இதில் ‘வாடிவாசல்’ படத்தின் அதிகாரப்பூர்வ அறிவிப்பு 2020-ஆம் ஆண்டு ஜூலை 23-ஆம் தேதி சூர்யாவின் பர்த்டே சர்ப்ரைஸாக வெளி வந்தது.
இந்த படத்தை முன்னணி தயாரிப்பாளர்களில் ஒருவரான கலைப்புலி.எஸ்.தாணு தனது ‘V கிரியேஷன்ஸ்’ மூலம் தயாரிக்கிறார். சமீபத்தில், இப்படத்தின் டெஸ்ட் ஷூட் சென்னையில் நடைபெற்றது. இயக்குநர் பாலா இயக்கும் படத்தை சூர்யா – ஜோதிகா இணைந்து தங்களது ‘2D எண்டர்டெயின்மெண்ட்’ நிறுவனம் மூலம் தயாரிக்கின்றனர்.
ஏற்கனவே, சூர்யா – பாலா காம்போவில் ‘நந்தா, பிதாமகன்’ என 2 சூப்பர் ஹிட் படங்கள் வெளியானது குறிப்பிடத்தக்கது. சூர்யாவின் 41-வது படமான இதன் ஷூட்டிங் இன்று (மார்ச் 28-ஆம் தேதி) முதல் ஆரம்பிக்கப்பட்டுள்ளதாக தகவல் கிடைத்துள்ளது. இதில் ஹீரோயினாக ‘உப்பெனா’ என்ற தெலுங்கு படம் மூலம் ஃபேமஸான க்ரித்தி ஷெட்டி நடிக்கிறாராம். இதற்கு ஜி.வி.பிரகாஷ் குமார் இசையமைத்து வருகிறார்.
