ஒரு கால் சுவற்றில் ஒரு கால் வில்லன்களின் முகத்தில் என்று பாய்ந்து பாய்ந்து சண்டை போட்ட விஜய்காந்தா இது..!
ரஜினி,கமல்,விஜய்,அஜித் என்று அனைத்து நடிகர்களுக்கும் தற்போது ரசிகர்கள் மன்றங்கள் உள்ளன. அந்த ரசிகர் மன்றங்களுக்கு என்று ஒரு பெயரும், மதிப்பு இருக்கிறது என்றால் அதற்கு முக்கிய காரணம் எம்ஜிஆர், அதற்கு பின் விஜய்காந்த தான். தன் ரசிகர் மன்றங்களின் மூலமாக பல ஆண்டுகளாக நலத்திட்ட உதவிகளை செய்து அனைவருக்கும் முன்னுதாரணமாக விளங்கினார் கேப்டன் விஜய்காந்த்.
வள்ளல் என்று அழைக்கும் அளவுக்கு தானம் தர்மம் செய்த விஜய்காந்துக்கு கடந்த சில ஆண்டுகளுக்கு முன்பு உடல்நிலை சரியில்லாமல் போனது. கம்பீரமாக நடந்து, பக்கம் பக்கமாக வசனம் பேசிய விஜயகாந்த், நடக்கமுடியாமலும் பேசமுடியாமலும் தவித்தது, பார்ப்பவர்களையே கலங்க வைத்தது. அவரது உடலுக்கு என்ன பிரச்சனை என்று யாரும் இதுவரை வெளியே கூறாத நிலையில், அவரின் வீடியோக்களை மட்டும் அவரது குடும்பத்தினர் அடிக்கடி வெளியிட்டு வந்தனர்.
தற்போது வெளியாகியுள்ள வீடியோவில், விஜயகாந்துக்கு பிரேமலதா முடி வெட்டி விடுவது, ஷேவ் செய்வது போன்ற காட்சிகள் இடம்பெற்றுள்ளன. அந்த வீடியோவை பார்க்கும் போது, “ச்சே எப்படி இருந்த மனுசன் இப்படிஆயிட்டாரே” என்று எண்ணத்தோன்றுகிறது.
தனது மனைவி செய்வது அனைத்தையும் குழந்தை போல பார்த்து சிரித்து கொண்டிருக்கும் விஜயகாந்தின் அந்த டிரெட் மார்க் சிரிப்பு மட்டும் இன்னும் மாறவில்லை. இந்த வீடியோவை பார்த்த அவரது ரசிகர்கள், அவருக்கு ஆண்டவன் சீரான உடல்நலத்தை தரவேண்டும் என மனதார பிராத்தனை செய்து வருகின்றனர்.
