சமீப காலமாக தொடர்ச்சியான மரணங்கள் ரசிகர்களுக்கும், திரையுலகினருக்கும் அதிர்ச்சியைத் தருகிறது. பிரபல பின்னணி பாடகர் எஸ்.பி.பாலசுப்ரமணியம், பிரபல காமெடி நடிகர் விவேக், பிரபல இயக்குநர்கள் எஸ்.பி.ஜனநாதன் – தாமிரா, பிரபல ஒளிப்பதிவாளரும், இயக்குநருமான கே.வி.ஆனந்த், பிரபல காமெடி நடிகர் பாண்டு என ரசிகர்களுக்கும், திரையுலக பிரபலங்களுக்குமே பிடித்தமான நபர்களின் இழப்பு அதிர்ச்சியளிக்கிறது.
நேற்று இரவு வெளியான பிரபல காமெடி நடிகர் நெல்லை சிவா இறந்த செய்தி பொய்யாக இருக்க கூடாதா? என்று ரசிகர்களும், திரையுலக பிரபலங்களும் சமூக வலைத்தளங்களில் வேதனையுடன் பதிவிட்டு வருகிறார்கள். இந்த சூழலில் இன்னொரு மரணச் செய்தி வந்திருக்கிறது.
‘தளபதி’ விஜய்யின் ‘கில்லி, வேட்டைக்காரன்’, ஜீவாவின் ‘டிஷ்யூம்’, சுந்தர்.சி-யின் ‘தலைநகரம்’ போன்ற பல படங்களில் மிக முக்கிய ரோலில் நடித்தவர் பிரபல காமெடி நடிகர் மாறன். சமீபத்தில், கொரோனாவால் பாதிக்கப்பட்டு மருத்துவமனையில் சிகிச்சை பெற்று வந்த நடிகர் மாறன், இன்று சிகிச்சை பலனின்றி இயற்கை எய்தினார் என்று தகவல் கிடைத்துள்ளது. 48 வயதான நடிகர் மாறனின் மறைவுக்கு திரையுலகினர் பலர் சமூக வலைத்தளங்களில் இரங்கல் தெரிவித்து வருகின்றனர்.
Home