ரசிகர்களுடன் விஜய்யின் ‘லியோ’வை பார்க்க பாலக்காடு சென்ற லோகேஷ் கனகராஜுக்கு காயம்!

தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். விஜய்யின் 67-வது படமான ‘லியோ’வை இயக்குநர் லோகேஷ் கனகராஜ் இயக்கியுள்ளார்.

இப்படம் கடந்த அக்டோபர் 19-ஆம் தேதி தமிழ், தெலுங்கு, ஹிந்தி, கன்னடம், மலையாளம் என ஐந்து மொழிகளில் திரையரங்குகளில் ரிலீஸானது. இந்த படத்தை ‘7 ஸ்க்ரீன் ஸ்டுடியோ’ நிறுவனம் சார்பில் லலித் குமார் அதிக பொருட்செலவில் தயாரித்துள்ளார். இதில் விஜய்-க்கு ஜோடியாக த்ரிஷா நடித்துள்ளார்.

மேலும், மிக முக்கிய ரோல்களில் சஞ்சய் தத், மிஷ்கின், அர்ஜுன், கெளதம் மேனன், மேத்யூ தாமஸ், மன்சூர் அலிகான், ப்ரியா ஆனந்த், சாண்டி, ‘பிக் பாஸ்’ ஜனனி ஆகியோர் நடித்துள்ளனர். இதற்கு அனிருத் இசையமைத்துள்ளார், மனோஜ் பரமஹம்சா ஒளிப்பதிவு செய்துள்ளார், பிலோமின் ராஜ் படத்தொகுப்பாளராக பணியாற்றியுள்ளார். தற்போது, இப்படம் திரையரங்குகளில் வெற்றிகரமாக ஓடிக் கொண்டிருக்கிறது.

இந்நிலையில், இன்று இந்த படத்தை ரசிகர்களுடன் பார்த்து ரசிக்க பாலக்காடு மாவட்டத்தில் உள்ள ‘அரோமா’ தியேட்டருக்கு சென்றிருந்தார் இயக்குநர் லோகேஷ் கனகராஜ். அங்கு குவிந்த விஜய் ரசிகர்களின் கூட்ட நெரிசலில் சிக்கிய லோகேஷுக்கு லேசான காயம் ஏற்பட்டதாக தகவல் கிடைத்துள்ளது. இந்த தகவலை அவரே ட்விட்டரில் உறுதிபடுத்தியதுடன், அங்கு எடுத்த ஒரு செல்ஃபியையும் ஷேர் செய்துள்ளார்.

Thank you Kerala for your love.. Overwhelmed, happy and grateful to see you all in Palakkad. ❤️

Due to a small injury in the crowd, I couldn’t make it to the other two venues and the press meeting. I would certainly come back to meet you all in Kerala again soon. Till then… pic.twitter.com/JGrrJ6D1r3

— Lokesh Kanagaraj (@Dir_Lokesh) October 24, 2023