வெளியானது விஜய்யின் ‘லியோ’ படத்தின் ‘நா ரெடி’ பாடல் ப்ரோமோ!

தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். விஜய்யின் 67-வது படமான ‘லியோ’வை இயக்குநர் லோகேஷ் கனகராஜ் இயக்கி வருகிறார்.

இந்த படத்தை ‘7 ஸ்க்ரீன் ஸ்டுடியோ’ நிறுவனம் சார்பில் லலித் குமார் அதிக பொருட்செலவில் தயாரிக்கிறார். இதில் விஜய்-க்கு ஜோடியாக த்ரிஷா நடிக்கிறார். மேலும், மிக முக்கிய ரோல்களில் சஞ்சய் தத், மிஷ்கின், அர்ஜுன், கெளதம் மேனன், மேத்யூ தாமஸ், மன்சூர் அலிகான், ப்ரியா ஆனந்த், சாண்டி ஆகியோர் நடிக்கின்றனர்.

இதற்கு அனிருத் இசையமைக்கிறார், மனோஜ் பரமஹம்சா ஒளிப்பதிவு செய்கிறார், பிலோமின் ராஜ் படத்தொகுப்பாளராக பணியாற்றுகிறார். இந்த படத்தின் ஷூட்டிங் பரபரப்பாக நடைபெற்று வருகிறது.

படம் வருகிற அக்டோபர் 19-ஆம் தேதி ரிலீஸாகவுள்ளது. இந்த படத்தின் முதல் சிங்கிள் டிராக்கான ‘நா ரெடி’யை வருகிற ஜூன் 22-ஆம் தேதி விஜய்யின் பர்த்டே ஸ்பெஷலாக வெளியிட திட்டமிட்டுள்ளனர். தற்போது, ‘நா ரெடி’ பாடலின் ப்ரோமோவை ரிலீஸ் செய்துள்ளனர்.

Neenga keta mass aana promo oda #NaaReady nanba
Let the celebrations begin

▶️ https://t.co/MAn3s6G5DV#LEOFirstSingle from JUNE 22 #Thalapathy @actorvijay sir @Dir_Lokesh @anirudhofficial @Jagadishbliss @trishtrashers @duttsanjay @akarjunofficial @immasterdinesh…

— Seven Screen Studio (@7screenstudio) June 20, 2023