விஜய் ரசிகர்களுக்கு ‘மாஸ்டர்’ டீம் கொடுக்கப்போகும் தீபாவளி ட்ரீட்… போட்றா வெடிய!

தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். விஜய்யின் கடைசி படமான ‘பிகில்’ கடந்த ஆண்டு வெளியாகி மாஸ் ஹிட்டானது. இவர் நடித்திருக்கும் புதிய படமான ‘மாஸ்டர்’ ரிலீஸுக்கு வெயிட்டிங் லிஸ்டில் உள்ளது.

இந்த படத்தை லோகேஷ் கனகராஜ் இயக்கியுள்ளாராம். இதில் தளபதிக்கு ஜோடியாக மாளவிகா மோகனன் நடித்துள்ளார். தளபதிக்கு எதிரியாக விஜய் சேதுபதி நடித்துள்ளாராம். படம் பொங்கலுக்கு ரிலீஸாகலாம் என எதிர்பார்க்கப்படுகிறது. சமீபத்தில், இப்படத்தின் எட்டு பாடல்களை ரிலீஸ் செய்தனர்.

தற்போது, விஜய்யின் ரசிகர்கள் பல மாதங்களாக வெயிட் பண்ணிக் கொண்டிருந்த ‘மாஸ்டர்’ படத்தின் ஃபர்ஸ்ட் லுக் டீசர் ரிலீஸ் தொடர்பான ஒரு மகிழ்ச்சியான தகவல் கிடைத்துள்ளது. இதன் ஃபர்ஸ்ட் லுக் டீசரை வருகிற நவம்பர் 14-ஆம் தேதி தீபாவளி அன்று மாலை 6 மணிக்கு ரிலீஸ் செய்ய ப்ளான் போட்டுள்ளனர். இதனால் ‘தளபதி’ விஜய்யின் ரசிகர்கள் ஹேப்பி மோடுக்கு ஆக்டிவேட் ஆகியுள்ளனர்.

https://twitter.com/XBFilmCreators/status/1326864873205104641