“#5YearsOfMersal”… ‘தளபதி’ விஜய் ட்ரிபிள் ஆக்ஷனில் நடித்திருந்த இப்படத்தின் மொத்த வசூல் இத்தனை கோடியா?

தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். இப்போது விஜய் நடிப்பில் ‘வாரிசு’ மற்றும் இயக்குநர் லோகேஷ் கனகராஜ் படம் என இரண்டு படங்கள் லைன் அப்பில் இருக்கிறது.

இதில் ‘வாரிசு’ படத்தை ‘தோழா’ படம் மூலம் ஃபேமஸான இயக்குநர் வம்சி இயக்குகிறார். இந்த படத்தில் விஜய்-க்கு ஜோடியாக ராஷ்மிகா மந்தனா நடிக்கிறார். படத்தை அடுத்த ஆண்டு (2023) பொங்கலுக்கு ரிலீஸ் செய்ய ப்ளான் போட்டுள்ளனர். இதனைத் தொடர்ந்து லோகேஷ் கனகராஜ் இயக்கவிருக்கும் படம் விஜய்யின் கேரியரில் 67-வது படமாம். இதன் ஷூட்டிங்கை வருகிற டிசம்பர் மாதம் ஆரம்பிக்க திட்டமிட்டுள்ளனர்.

‘தளபதி’ விஜய்யின் கேரியரில் மிக முக்கியமான படம் ‘மெர்சல்’. இந்த படத்தினை டாப் இயக்குநர்களில் ஒருவரான அட்லி இயக்கியிருந்தார். இதில் விஜய் ட்ரிபிள் ஆக்ஷனில் மாஸ் காட்டியிருந்தார். மேலும், மிக முக்கிய ரோல்களில் காஜல் அகர்வால், சமந்தா, வடிவேலு, எஸ்.ஜே.சூர்யா, சத்யராஜ், நித்யா மேனன் மற்றும் பலர் நடித்திருந்தனர்.

இன்றுடன் (அக்டோபர் 18-ஆம் தேதி) இந்த படம் வெளி வந்து 5 ஆண்டுகள் ஆகிவிட்டது. இதனால் விஜய்யின் ரசிகர்கள் சமூக வலைத்தளங்களில் ‘#5YearsOfMersal’ என்ற ஹேஸ் டேக்கை ட்ரெண்ட் செய்து வருகிறார்கள். இந்த படம் உலக அளவில் ரூ.260 கோடி வசூல் செய்ததாம்.