‘வசந்த வாசல்’ படத்துக்காக நடிகர் விஜய் வாங்கிய சம்பளம் எவ்ளோ தெரியுமா?

தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். விஜய்யின் கடைசி படமான ‘வாரிசு’-வை வம்சி இயக்கியிருந்தார். இந்த ஆண்டு (2023) ஜனவரி 11-ஆம் தேதி இப்படம் ரிலீஸானது.

‘வாரிசு’-வை தொடர்ந்து விஜய்-யின் 67-வது படமான ‘லியோ’வை ‘மாஸ்டர்’ இயக்குநர் லோகேஷ் கனகராஜ் இயக்கி வருகிறார். இந்த படத்தை ‘7 ஸ்க்ரீன் ஸ்டுடியோ’ லலித் குமார் தயாரிக்கிறார். படம் வருகிற அக்டோபர் 19-ஆம் தேதி ரிலீஸாகவுள்ளது.

இதனைத் தொடர்ந்து விஜய்யின் 68-வது படத்தை பாப்புலர் இயக்குநர்களில் ஒருவரான வெங்கட் பிரபு இயக்கவுள்ளார். ‘AGS எண்டர்டெயின்மெண்ட்’ நிறுவனம் தயாரிக்கவுள்ள இந்த படத்தின் ப்ரீ-புரொடக்ஷன் வேலைகள் விறுவிறுப்பாக நடந்து வருகிறது.

‘தளபதி’ விஜய் நடிப்பில் 1996-ஆம் ஆண்டு வெளியான படம் ‘வசந்த வாசல்’. இந்த படத்தில் விஜய்-க்கு ஜோடியாக சுவாதி நடிக்க, இயக்குநர் எம்.ஆர். இதனை இயக்கியிருந்தார். இதில் மிக முக்கிய ரோல்களில் மன்சூர் அலிகான், வடிவேலு, கோவை சரளா மற்றும் பலர் நடித்திருந்தனர். தற்போது, இப்படத்துக்காக நடிகர் விஜய் ரூ.2 லட்சம் சம்பளம் வாங்கியதாக தகவல் கிடைத்துள்ளது.