விஜய்சேதுபதி வெளியிட்ட ஹாலிவுட் திரைப்படத்தின் டீசர்!

தமிழ் சினிமாவின் முன்னணி நடிகர் மட்டுமல்லாது இசையமைப்பாளராகவும் திகழ்ந்து வருபவர் ஜிவி பிரகாஷ் குமார். சமீபத்தில் “ட்ராப் சிட்டி” என்ற ஹாலிவுட் படத்தின் மூலம் ஹாலிவுட்டில் அறிமுகமாகவுள்ளார் என்ற செய்தி வைரலாக பரவியது.

தற்போது ஜெயில், ஐயங்கரன், 4ஜி, அடங்காதே, காதலிக்க யாருமில்லை, சூரரைப்போற்று, மற்றும் தலைவி ஆகிய படங்களுக்கு இசையமைத்து வரும் ஜிவி.பிரகாஷ் குமார் இசையமைப்பாளராக மட்டுமில்லாமல் நடிகராகவும் படு பிஸியாக இருக்கிறார்.

இதற்கிடையில் இவர் ஹாலிவுட் திரைப்படமான “டிராப் சிட்டி”யில் நடித்தார் என்பது அனைவருக்கும் தெரிந்த விஷயம். ரிக்கி பெர்செல் இயக்கத்தில் உருவாகிய இந்தப் படத்தில் நடிகர் நெப்போலியனும் ஒரு முக்கிய கதாபாத்திரத்தில் நடித்துள்ளார்.

டிரக் மாபியாவில் இருக்கும் ஒரு இளைஞன் இசையின் மீது கொண்ட ஆர்வத்தால் எப்படி அந்த மாபியாவிலிருந்து தப்பி ராப்பர் ஆகிறார் என்பதுதான் கதையாம்.

தற்போது புதிய தகவல் என்னவென்றால் இந்த படத்தின் டீசரை நடிகர் விஜய்சேதுபதி ஏற்கனவே கூறியது போல இன்று வெளியிட்டுள்ளார். மேலும் படக்குழுவினருக்கு தனது வாழ்த்துக்களையும் தெரிவித்துள்ளார்.

“டிராப் சிட்டி” படத்தில் நடித்து முடித்துள்ள ஜிவி.பிரகாஷ் குமார், ஐயங்கரன், ஆயிரம் ஜென்மங்கள், அடங்காதே, ஜெயில் மற்றும் 4ஜி ஆகிய திரைப்படங்களிலும் நடித்துள்ளார். இவை மட்டுமின்றி காதலைத் தேடி நித்யானந்தா, காதலிக்க யாருமில்லை, பேச்சுலர் ஆகிய படங்களில் தற்போது நடித்து வருகிறார்.