கமல் மற்றும் லோகேஷ் கனகராஜ் திரைப்படத்தில் இணையும் விஜய் சேதுபதி!

பல நாட்களாக ஆவலாக காத்திருந்த கமல் மற்றும் லோகேஷ் கனகராஜ் இணையும் திரைப்படம் குறித்து நேற்று தான் செய்தி வெளியானது.

இந்த படத்திற்கு “எவனென்று நினைத்தாய்” என்று டைட்டில் வைத்துள்ளார்கள். ராஜ்கமல் பிலிம்ஸ் தயாரிப்பில் லோகேஷ் கனகராஜ் இயக்கத்தில் கமலின் 232 வது திரைப்படம் உருவாக உள்ளது.

ஏற்கனவே இந்த திரைபடத்தை ரஜினிக்காக எழுதியிருந்த லோகேஷ் கனகராஜ் தற்போது இதை கமலுக்காக மாற்றியுள்ளார். இதனால் ரஜினி நடிக்கவிருந்த இடத்தில் கமலும் கமலுக்காக உருவாக்கிய கதாபாத்திரத்தில் தற்போது நடிகர் விஜய் சேதுபதியையும் அணுகியுள்ளார்கள்.

ஏற்கனவே கமலுடன் நடிக்க விருப்பம் தெரிவித்த விஜய் சேதுபதிக்கு இது மிகுந்த உற்சாகத்தை ஏற்படுத்தி உள்ளதாம். ஏற்கனவே லோகேஷ் கனகராஜின் மாஸ்டர் படத்தில் விஜய்க்கு வில்லனாக நடித்திருந்த விஜய்சேதுபதிக்கு தற்போது கமலுடன் இணைந்து பணிபுரிய வாய்ப்பு கிடைத்துள்ளது.

வருகிற அக்டோபர் மாதம் முதல் இந்த படத்தின் ஷூட்டிங் தொடங்கும் என்றும் அதற்குள் இந்த திரைப்படம் குறித்த முழு விவரங்கள் வெளியாகும் என்றும் எதிர்பார்க்கப்படுகிறது. இந்த படத்திற்கு அனிருத் ரவிச்சந்தர் இசையமைக்கிறார் என்பது ஏற்கனவே வெளியான செய்தி.