சினிமாவில் டாப் ஹீரோக்களில் ஒருவராக வலம் வருபவர் கார்த்தி. இவர் நடிப்பில் ‘பொன்னியின் செல்வன் 2’, ‘ஜப்பான்’, ‘சர்தார் 2’ மற்றும் ‘கைதி 2’ என நான்கு படங்கள் லைன் அப்பில் இருக்கிறது.
இதில் ‘ஜப்பான்’ படத்தின் ஷூட்டிங் சமீபத்தில் ஆரம்பிக்கப்பட்டு பரபரப்பாக நடைபெற்று வருகிறது. இந்த படத்தில் ஹீரோயினாக அனு இம்மானுவேல் நடித்து வருகிறார்.
இந்நிலையில், கார்த்தி நடிக்காமல் மிஸ் பண்ண ஒரு சூப்பர் ஹிட் படம் குறித்த தகவல் கிடைத்துள்ளது. 2013-யில் ரிலீஸான தமிழ் படம் ‘பாண்டிய நாடு’. இந்த படத்தை பிரபல இயக்குநர் சுசீந்திரன் இயக்கியிருந்தார்.
இதில் ஹீரோவாக விஷால் நடித்திருந்தார். ஆனால், இந்த படத்தில் கதாநாயகனாக நடிக்க வைக்க வேண்டுமென சுசீந்திரனின் முதல் சாய்ஸாக இருந்தது கார்த்தி தானாம். பின், சில காரணங்களால் கார்த்தியால் இப்படத்தில் நடிக்க முடியாமல் போனதாம்.
