ஒற்றை நம்பிக்கையில் வாழும் விஷால் !

நடிகர் விஷாலின் நண்பர்களான நந்தா மற்றும் ரமணா சார்பில் ராணா புரொடக்ஷன்ஸ் தயாரிப்பில் விஷால் நடித்த படம் லத்தி. சுனைனா, பிரபு ஆகியோர் இந்த படத்தில் முக்கியமான பாத்திரங்களில் நடித்து இருந்தனர் . படத்திற்கு யுவன் ஷங்கர் ராஜா இசையமைத்து இருந்தார் . ஒளிப்பதிவை பாலசுப்ரமணியம் மற்றும் பாலகிருஷ்ண தோட்டா மற்றும் படத்தொகுப்பை என்.பி. ஸ்ரீகாந்த் செய்து இருந்தனர் .

திரையரங்குகளில் வெளியான லத்தி படம் ரசிகர்களிடம் வரவேற்பை பெறாமல் தோல்வி அடைந்தது .லத்தி படம் நஷ்டம் அடையவே விஷாலின் நீண்ட கால நட்பிலும் விரிசல் ஏற்பட்டு உள்ளது . விஷாலுக்கு ஒரு கோடி வரை சம்பளம் பாக்கி வைத்து உள்ளனர் மேலும் படத்தில் பணியாற்றிய அவுட்டோர் யூனிட்க்கும் சம்பளம் பாக்கி வைத்து உள்ளனர் .

இது பிரச்சனை தொடர்பாக பற்றி ரமணா மற்றும் நந்தா இருவரும் வாய் திறக்காமல் அமைதியாக இருப்பது தான் விஷாலுக்கு சங்கடத்தை அளிக்கிறது. தொடர் தோல்விகளால் விஷால் துவண்டு உள்ளார் என்றும் கூறப்படுகிறது .

ஆனால் தற்போது இவர் நடித்து வரும் மார்க் ஆண்டனி படம் விஷாலுக்கு 33-வது படம். இதில் எஸ் ஜே சூர்யா முக்கிய கதாபாத்திரத்தில் நடிக்கிறார். இந்த படம் தமிழ், தெலுங்கு, கன்னடம், மலையாளம், ஹிந்தி போன்ற 5 மொழிகளில் பான் இந்தியா படமாகவும் ரிலீஸ் ஆகிறது என்பதும் குறிப்பிடத்தக்கது. விஷால் இந்த படம் நிச்சயம் அவரை காப்பாற்றும் என்ற நம்பிக்கையில் உள்ளார் .