தமிழில் முன்னணி நடிகர்களுள் ஒருவரான விஷால் நடிப்பில் அடுத்து வெளிவரவிருக்கும் திரைப்படம் “சக்ரா”. கடந்த 22ஆம் தேதி வெளியான படத்தின் கிளிம்ப்ஸ் ஆஃ ட்ரைலர், இந்தப் படத்தைப் பற்றிய எதிர்பார்ப்பை அவரது ரசிகர்களிடையே தூண்டியுள்ளது.
புதுமுக இயக்குனரான எம்எஸ் ஆனந்த் இயக்கத்தில் நடிகர் விஷால் கிருஷ்ணா தயாரித்து நடித்திருக்கும் படம் “சக்ரா”. இந்த படத்தில் ரெஜினா கசாண்ட்ரா,ஷ்ரத்தா ஸ்ரீநாத், மனோபாலா, சிருஷ்டி டாங்கே, ரோபோ ஷங்கர் என பெரிய நட்சத்திர பட்டாளமே நடித்திருக்கிறது. யுவன் சங்கர் ராஜா இசையில் இந்த படத்தின் காட்சிகளை பாலசுப்பிரமணியம் ஒளிப்பதிவு செய்திருக்கிறார்.இத்திரைப்படம் அவரது இரும்புத்திரை படத்தின் தொடர்ச்சியாக இருக்கும் என்று செய்தி வெளியாகியுள்ளது.இந்தப் படத்தின் டிரைலர் வரும் 27 ஆம் தேதி வெளிவரவுள்ளதாக விஷால் தற்போது செய்தி வெளியிட்டுள்ளார்.
மேலும் விஷால் துப்பறிவாளன் 2 படத்திலும் நடித்து வருகிறார். முதலில் மிஸ்கின் இயக்கத்தில் உருவாகிய இந்தத்திரைப்படம் , சில கருத்து வேறுபாடு காரணங்களால் மிஷ்கின் இந்தப் படத்திலிருந்து விலகிய பின்னர் விஷாலே தயாரித்துள்ளாராம். விஷால் ரசிகர்கள் இந்த இரண்டு படங்களையும் எதிர்பார்த்து காத்திருக்கிறார்கள்.
