ஷூட்டிங் எடுக்க அனுமதி… அடுத்து அந்த விஷயத்தை தமிழக அரசிடமிருந்து எதிர்பார்க்கிறேன் – விஷால்!

ஷூட்டிங் எடுக்க அனுமதி… அடுத்து அந்த விஷயத்தை தமிழக அரசிடமிருந்து எதிர்பார்க்கிறேன் – விஷால்!

‘கொரோனா’ பிரச்சனையால் இப்போது திரையுலகில் அனைத்து படங்களின் படப்பிடிப்புகளும் நிறுத்தப்பட்டுள்ளது, திரையரங்குகளும் மூடப்பட்டுள்ளது. சமீபத்தில், ‘கொரோனா’-வால் பாதிக்கப்பட்ட பிரபல நடிகர் விஷால் தான் மீண்டு வந்து விட்டதாக ஒரு வீடியோ வெளியிட்டிருந்தார்.

இப்போது, நடிகர் விஷால் நடிப்பில் ‘சக்ரா, துப்பறிவாளன் 2’ மற்றும் இயக்குநர் ஆனந்த் ஷங்கர் படம் என மூன்று படங்கள் லைன் அப்பில் இருக்கிறது. இதில் இயக்குநர் ஆனந்த் ஷங்கர் இயக்கவிருக்கும் படத்துக்கான ப்ரீ-புரொடக்ஷன் வேலைகள் ஜெட் ஸ்பீடில் நடைபெற்று வருகிறது. நேற்று (ஆகஸ்ட் 23-ஆம் தேதி) சில நிபந்தனைகளுடன் ஷூட்டிங் எடுக்க மத்திய அரசு அனுமதி கொடுத்திருந்தது.

தற்போது, இது தொடர்பாக நடிகர் விஷால் தனது ட்விட்டர் பக்கத்தில் “ஷூட்டிங் எடுக்க அனுமதி கொடுத்த மத்திய அரசிற்கு நன்றி. நீங்கள் சொன்ன விதிமுறைகளை கடைப்பிடித்து அனைத்து படக்குழுவினரும் ஷூட்டிங்கை துவங்குவார்கள் என்று நான் நம்புகிறேன். மீண்டும் ஷூட்டிங்கை துவங்குவதற்கான தேதியை தமிழக அரசு எப்போது அறிவிக்கும் என எதிர்பார்த்துக் கொண்டிருக்கிறேன்” என்று கூறியுள்ளார்.

Thanks to the Central Govt for granting permission to resume Shoot & hopefully all Film Units will resume Shoot by following all Necessary Regulations for a Safe Environment….

Looking forward for the TN State Govt to announce the date to resume Movie Shoot….GB

— Vishal (@VishalKOfficial) August 23, 2020