நடிகர் விஷ்ணுவிஷால், இயக்குனர் கௌதம் வாசுதேவ் மேனனிடம் எனக்கும் உங்கள் படத்தில் ஒரு சான்ஸ் கொடுங்கள் என வேண்டுகோள் விடுத்துள்ளார்.
பிரபல தமிழ் திரைப்பட இயக்குனரான கௌதம் வாசுதேவ் மேனன் தனது , ஒன்றாக என்டர்டைன்மென்ட் மூலம் ‘ஒரு சான்ஸ் கொடு’ என்ற மியூசிக் வீடியோவை இயக்கி வெளியிட்டுள்ளார் . இந்த மியூசிக் வீடியோவில் நடிகர்கள் சாந்தனு பாக்யராஜ், மேகா ஆகாஷ் , கலையரசன் ஆகியோர் நடித்துள்ளனர்.
மதன் கார்க்கி இந்த பாடல் வரிகளை எழுத கார்த்திக் பாடலை பாடியுள்ளார். இந்த பாடல் மனோஜ் பரமஹம்சா ஒளிப்பதிவில் உருவாகியுள்ளது. இந்த பாடலில் நடிகர் சாந்தனு மற்றும் கலையின் நடனம் மக்களிடையே நல்ல வரவேற்பை பெற்று இணையதளங்களில் வைரலாகி வருகிறது. அதையடுத்து நடிகர் விஷ்ணு விஷால் தனது ட்விட்டர் பதிவில் இந்த பாடலை பற்றி குறிப்பிட்டிருந்தபோது, தனக்கும் ஒரு சான்ஸ் வேண்டும் என்று GVMவிடம் சாதுர்யமாக கேட்டுள்ளார்.
கௌதம் வாசுதேவ் மேனன் நடிகர் விஷ்ணு விஷாலுடன் மனுஆனந்த் இயக்கத்தில் ‘ FIR’ என்ற படத்தில் நடித்து வருகிறார் என்பது குறிப்பிடத்தக்கது.
