விஷ்ணு விஷால் பிறந்தநாளை கொண்டாடும் காதலி!

தமிழில் முன்னணி நடிகர்களில் ஒருவரான விஸ்ணு விஷால் இன்று தனது 36வது பிறந்தநாளை கொண்டாடுகிறார். இவர் பிறந்தநாளையொட்டி அவரது ரசிகர்கள் இணையதளத்தில் வாழ்த்துக்களை பதிவிட்டு வருகிறார்கள்.

இவர் 2009 ஆம் ஆண்டு சுசிந்திரன் இயக்கத்தில் வெளியான “வெண்ணிலா கபடி குழு” படத்தின் மூலம் தமிழ் திரையுலகிற்கு அறிமுகப்படுத்தப்பட்டார்.

இதைத்தொடர்ந்து குள்ளநரிக்கூட்டம், நீர்ப்பறவை, முண்டாசுப்பட்டி, ஜீவா, நேற்று இன்று நாளை, ராட்சசன், சிலுக்குவார் பட்டி சிங்கம் ஆகிய படங்களில் நடித்து தனக்கென தனி ரசிகர் கூட்டத்தை வைத்திருக்கிறார்.

https://twitter.com/TheVishnuVishal/status/1283852983717916672?s=19

2016ம் ஆண்டு வெளியான “வேலைன்னு வந்துட்டா வெள்ளைக்காரன்” படத்தின் மூலம் தயாரிப்பாளராகவும் உருவெடுத்தார் விஷ்ணுவிஷால்.

தற்போது விஷ்ணு விஷால் பிறந்த நாளையொட்டி அவரது காதலி பேட்மிட்டன் பிளேயரான ஜுவாலா கட்டா, விஷ்ணு விஷாலுக்கு சர்ப்ரைஸ் கொடுத்து அவர்களது புகைப்படத்தை சமூக வலைதளங்களில் வெளியிட்டுள்ளார்.

https://twitter.com/Guttajwala/status/1283833659410337795?s=19

ஜுவாலா கட்டா ஹைதராபாத்தில் வசித்து வருவதாகவும், விஷ்ணு விஷால் பிறந்த நாளுக்காக சென்னைக்கு வந்த அவருக்கு சர்ப்ரைஸ் கொடுத்துள்ளதாகவும் தெரிவித்துள்ளார். இந்த ஜோடி கடந்த ஒரு வருடமாக டேட்டிங் செய்து வருகிறார்கள்.

இவர்கள் இருவரும் காதலில் இருக்கிறார்கள் என்பதற்கு சான்றாக மாற்றிமாற்றி சமூக வலைத்தளங்களில் இந்த ஜோடி புகைப்படங்களை வெளியிட்டு வந்தது. கொரோனா லாக்டவுன் காரணமாக இருவரும் பல நாட்களாக சந்தித்துக் கொள்ளாத நிலையில், தற்போது இந்த பிறந்த நாள் சந்திப்பு இருவரையும் மகிழ்ச்சியில் ஆழ்த்தியுள்ளது.

விஷ்ணு விஷால் ஜுவாலா கட்டாவை நடிகர் விஷாலின் சகோதரி திருமணத்தில் சந்தித்தாராம். நட்பாக பழக ஆரம்பித்தவர்கள் இன்று காதலித்து வருகிறார்கள்.

ஏற்கனவே விஷ்ணுவிஷால் ரஜினி நடராஜ் என்பவரை திருமணம் செய்து அந்த ஜோடிக்கு ஒரு மகன் இருக்கிறார். கடந்த 2018 ஆம் ஆண்டு இந்த ஜோடி கருத்துவேறுபாடு காரணங்களால் விவாகரத்து பெற்றுக் கொண்டார்கள். தற்போது விஷ்ணு விஷால் ஜுவாலா கட்டாவை டேட் செய்து வருகிறார்.

இவர் தற்போது தமிழில் “ஜெகஜால கில்லாடி” , “F.I.R”, பிரபுசாலமன் இயக்கத்தில் “காடன்”, “மோகன்தாஸ்” போன்ற திரைப்படங்களில் தற்போது நடித்து வருகிறார்.