2009 ஆம் ஆண்டு சுசிந்திரன் இயக்கத்தில் வெளியான “வெண்ணிலா கபடி குழு” படத்தின் மூலம் தமிழ் திரையுலகிற்கு அறிமுகப்படுத்தப்பட்டவர் நடிகர் விஷ்ணு விஷால்.
இதைத்தொடர்ந்து குள்ளநரிக்கூட்டம், நீர்ப்பறவை, முண்டாசுப்பட்டி, ஜீவா, நேற்று இன்று நாளை, ராட்சசன், சிலுக்குவார் பட்டி சிங்கம் ஆகிய படங்களில் நடித்து தனக்கென தனி ரசிகர் கூட்டத்தை வைத்திருக்கிறார்.
2016ம் ஆண்டு வெளியான “வேலைன்னு வந்துட்டா வெள்ளைக்காரன்” படத்தின் மூலம் தயாரிப்பாளராகவும் உருவெடுத்தார் விஷ்ணுவிஷால்.
தற்போது இவர் பிரபல பேட்மிட்டன் பிளேயரான ஜுவாலா கட்டாவை காதலித்து வருகிறார். தற்போது தனது காதலியுடன் மும்பையில் நேரத்தை செலவிட்டு வரும் நடிகர் விஷ்ணு விஷால் இன்று பிறந்த நாள் கொண்டாடும் இயக்குனர் ராம்குமாருக்கு தனது பிறந்தநாள் வாழ்த்துக்களை கூறி பதிவிட்டு, ஒரு கோரிக்கையையும் முன் வைத்துள்ளார்.
விஷ்ணு விஷால் நடிப்பில் வெளியாகி வெற்றி பெற்ற இரண்டு பெரும் படங்களான ‘முண்டாசுப்பட்டி’ மற்றும் ‘ராட்சசன்’ ஆகியவற்றை இயக்கியது ராம்குமார் என்பது குறிப்பிடத்தக்கது. இதனால் அடுத்து இந்தப் படங்களில் எந்தப் படத்துடைய இரண்டாம் பாகத்தை இயக்க தயாராக இருக்கிறீர்கள் என்று கேள்வி எழுப்பி தன் கோரிக்கையை முன்வைத்துள்ளார் விஷ்ணுவிஷால். இதன்மூலம் கண்டிப்பாக இந்த இரு வெற்றிப் படங்களின் இரண்டாம் பாகம் வெளியாகும் என்று ரசிகர்கள் ஆவலாக எதிர்பார்த்து காத்திருக்கிறார்கள்.
Eye to eye
Heart to heart
Wishing you a great year ahead @dir_ramkumar
Happy birthday 🙂#Mundaasupatti#Ratsasan #nextiswhat#Ratsasan2 or #Mundaasupatti2 pic.twitter.com/Xv2dC2j43D— VISHNU VISHAL – VV (@TheVishnuVishal) October 29, 2020
Home