நடிகர் விஜய் நடிப்பில் வம்சி இயக்கத்தில் வெளியாகி உள்ள படம் வாரிசு . தெலுங்கில் பிரபல தயாரிப்பாளராக இருக்கும் தில் ராஜு இந்த படத்தை தயாரித்து உள்ளார் . ராஷ்மிகா நாயகியாக நடித்துள்ள இந்த படத்திற்கு தமன் இசையமைத்துள்ளார். சரத்குமார் , பிரகாஷ் ராஜ் , ஷ்யாம் , உள்ளிட்ட பல நட்சத்திரங்கள் இந்த படத்தில் நடித்து உள்ளனர் .
ஜனவரி மாதம் 11 -ஆம் தேதி தமிழில் வெளியான இந்த படம் கலவையான விமர்சனங்களை பெற்று வருகிறது . ஆரம்பித்தில் நல்ல வசூலை பெற்று வந்த வாரிசு படம் படிப்படியாக வசூலில் குறைந்து வருகிறது . இதற்கு காரணம் வாரிசு படம் பெற்ற எதிர்மறை விமர்சனம் தான் என்று கூறப்படுகிறது .
இந்நிலையில் வாரிசு படத்தின் படக்குழு சமீபத்தில் ஒரு பத்திரிக்கையாளர்கள் சந்திப்பு நடத்தியது . இதில் பேசிய நடிகர் வி.டி.வி கணேஷ் ” நான் விஜய் படங்களை ஆரம்பத்தில் பெரிதாக பார்த்தது இல்லை பின்பு என் மகள் ஒரு நாள் போக்கிரி படம் பார்க்க அழைத்தாள் அப்போது தான் என் மகளுடன் சேர்ந்து போக்கிரி படம் பார்த்தேன் அதிலிருந்து நிறைய விஜய் படங்கள் பார்க்க ஆரம்பித்தேன் மேலும் விஜய்யின் ரசிகனாக மாரி விட்டேன் என்று கூறினார் .
