நடிகர் அஜித் நடிப்பில் துணிவு படம் வெளியாகி வெற்றிகரமாக திரையரங்கில் ஓடிக்கொண்டிருக்கிறது .இந்த படத்திற்கு பிறகு நடிகர் அஜித் விக்னேஷ் சிவன் இயக்கத்தில் லைக்கா நிறுவனம் தயாரிப்பில் தனது 62 -வது படத்தில் நடிக்க உள்ளார் என்று 8 மாதங்களுக்கு முன் அறிவிப்பு வெளியானது .
இந்நிலையில் சில தினங்களுக்கு முன் விக்னேஷ் சொன்ன கதை லைக்கா நிறுவனத்திற்கும் நடிகர் அஜித்திற்கு திருப்தி அளிக்கவில்லை அதனால் விக்னேஷ் சிவன் – அஜித் படம் உருவாகவில்லை . அஜித் விக்னேஷ் சிவனை நிராகரித்து விட்டார் என்று கூறப்படுகிறது .
இதனால் நடிகர் அஜித்தின் 62 வது படத்தை யார் இயக்க உள்ளார் என்று கேள்வி எழுந்து உள்ளது . சமூக வலைத்தளங்களில் மகிழ் திருமேனி தான் அஜித்தின் அடுத்த படத்தை இயக்க உள்ளார் என்று கூறப்பட்டு வந்த நிலையில் தற்போது மகிழ் திருமேனி அஜித்துக்கு இரண்டு கதை கூறி உள்ளார் என்றும் அதில் ஒன்று குடும்ப கதையும் ஆக்ஷன் நிறைந்த கதை என்றும் மற்றொன்று ஸ்பை த்ரில்லர் கதை என்றும் கூறப்படுகிறது .
இந்த இரண்டு கதையும் அஜித்துக்கு பிடித்துள்ளது எனவே எந்த கதைக்கு ஓகே சொல்வர் என்று தெரியவில்லை . எனினும் அஜித் பொதுவாக ஒரு இயக்குனருடன் தொடர்ந்து இரண்டு அல்லது மூன்று படங்கள் பண்ணுவது வழக்கம் எனவே மகிழ் திருமேனி கூடவும் மூன்று படங்கள் நடிக்க வாய்ப்புள்ளது.
