ஹீரோயின்களுக்கு மரியாதை தரவில்லை – நயன்தாரா

தமிழ் சினிமாவில் முன்னணி நடிகையாக இருப்பவர் நயன்தாரா . 2005-ஆம் ஆண்டு இயக்குநர் ஹரி இயக்கத்தில் வெளியான ஐயா படம் மூலம் தமிழ் சினிமாவில் நாயகியாக அறிமுகமானார் . தமிழில் தனது இரண்டாவது படத்திலேயே சூப்பர்ஸ்டாருக்கு ஜோடியாக நடித்து அசத்தி இருந்தார் . அதன் பிறகு பல சூப்பர்ஹிட் படங்களில் நடித்து இருக்கிறார் .

இந்நிலையில் சமீபத்தில் பேட்டி ஒன்றில் பேசிய நயன்தாரா திரையுலகில் சுமார் 20 வருடங்களை முடித்திருப்பதை என்னால் நம்ப முடியவில்லை என்று நயன்தாரா கூறியதாக கூறப்படுகிறது. திரையுலகில் பணியாற்றுவது பற்றி பேசிய நடிகை, இரண்டு ஆண்டுகளுக்கு முன்பு பெண்களை மையமாக வைத்து எந்த திரைப்படத்தையும் பார்க்க முடியவில்லை என்றும், அந்த நேரத்தில் நடிகைகளுக்கு அதிக முக்கியத்துவம் கொடுக்கப்படவில்லை என்றும் கூறினார்.

அப்போது, விளம்பர நிகழ்ச்சிகளின் போது ஹீரோயின்களை சரியாக மதிக்கவில்லை என்றும், அதனால் தான் இதுபோன்ற நிகழ்ச்சிகளில் நான் கலந்து கொள்வதை நிறுத்திக் கொண்டேன் என்றும் அவர் தெரிவித்தார். திரையுலகில் சமத்துவம் குறித்த தனது எண்ணங்களைப் பற்றி மனம் திறந்த நடிகை நயன்தாரா , ஆண் மற்றும் பெண் நட்சத்திரங்களுக்கு சமமான முக்கியத்துவம் கொடுக்கப்பட வேண்டும் என்று கூறினார்.