பிந்து மாதவியின் ‘யாருக்கும் அஞ்சேல்’… மாஸான ஃபர்ஸ்ட் லுக்கை வெளியிட்ட விஜய் சேதுபதி!

தமிழ் சினிமாவில் எந்த அளவிற்கு ஹீரோக்கள் மாஸ் காட்டுவதை ரசிகர்கள் விரும்புகிறார்களோ, அதே அளவுக்கு ஹீரோயின்கள் கெத்து காட்டுவதையும் லைக் பண்ணுகிறார்கள். ஹீரோயின்களை மையமாக வைத்து வெளி வரும் படங்களும் ரசிகர்களிடம் நல்ல வரவேற்பினை பெற்று வருகிறது. தற்போது, தமிழில் கதாநாயகிகளை மையமாக வைத்து பல படங்கள் தயாராகி கொண்டிருக்கிறது.

இதில் ‘யாருக்கும் அஞ்சேல்’ எனும் படத்தை ரஞ்சித் ஜெயக்கொடி இயக்கி வருகிறார். இந்த படத்தில் ஹீரோயினாக மாஸ் காட்டப்போவது பிந்து மாதவியாம். ‘தேர்ட் ஐ எண்டர்டெயின்மெண்ட்’ நிறுவனம் தயாரித்துள்ள இப்படத்தினை ‘மக்கள் செல்வன்’ விஜய் சேதுபதி தனது சொந்த தயாரிப்பு நிறுவனமான ‘விஜய் சேதுபதி புரொடக்ஷன்ஸ்’ மூலம் ரிலீஸ் செய்யத் திட்டமிட்டுள்ளார்.

இயக்குநர் ரஞ்சித் ஜெயக்கொடி இயக்கிய முதல் படமான ‘புரியாத புதிர்’-யில் ‘மக்கள் செல்வன்’ விஜய் சேதுபதி தான் ஹீரோ என்பது குறிப்பிடத்தக்கது. நேற்று இரவு 7 மணிக்கு ‘யாருக்கும் அஞ்சேல்’ படத்தின் ஃபர்ஸ்ட் லுக் போஸ்டரை விஜய் சேதுபதி ட்விட்டரில் வெளியிட்டார். இந்த போஸ்டர் படத்தின் மீதான எக்ஸ்பெக்டேஷன் லெவலை எகிற வைத்துள்ளது.

https://twitter.com/VijaySethuOffl/status/1306223864809058304