இசையமைப்பாளர் யுவன்சங்கர்ராஜா இன்று தனது பிறந்த நாளை கொண்டாடினார். இவருக்கு பல சினிமா பிரபலங்களும் அவரது நண்பர்களும் ரசிகர்களும் தங்களது வாழ்த்துக்களை குவித்து வந்தார்கள்.
இவரது பிறந்தநாளை முன்னிட்டு பலரும் இவரது புகைப்படங்களையும், இவர் இசையமைப்பில் உருவான பாடல் வீடியோக்களையும் வெளியிட்டு தங்கள் வாழ்த்துக்களையும் அன்பையும் பகிர்ந்து கொண்டார்கள்.
இதற்கிடையில் நடிகர் விவேக் தனது வாழ்த்தை வித்தியாசமான முறையில் தெரிவித்துள்ளார். இவர் ரவுடி பேபி பாடலை தனது பியானோவில் வாசித்து யுவன் சங்கர் ராஜாவுக்கு தனது பிறந்தநாள் வாழ்த்துக்களை தெரிவித்துள்ளார்.
இந்த வீடியோ தற்போது இணையதளத்தில் வைரலாகி வருகிறது. கடந்த 2018 ஆம் ஆண்டு தனுஷ் மற்றும் சாய்பல்லவி நடிப்பில் வெளியான திரைப்படம் தான் “மாரி 2”. இந்த திரைப்படத்திற்கு யுவன் சங்கர் ராஜா இசையமைத்திருந்தார். இவர் இசையமைப்பில் உருவான இந்தப் படத்தில் வரும் ரவுடிபேபி பாடலை தான் தற்போது நடிகர் விவேக் வாசித்துள்ளார்.
கடந்த சில நாட்களுக்கு முன்பு எஸ்.பி.பாலசுப்ரமணியம் மீண்டு வர அனைவரும் கூட்டுபிரார்த்தனை செய்தபோது அவரது பாடலை நடிகர் விவேக் வாசித்தார் என்பது குறிப்பிடத்தக்கது.
My bday wishes to the silent baby who gave us the rowdy baby!! @thisisysr @Premgiamaren @vp_offl pic.twitter.com/lyxVU7tNcr
— Vivekh actor (@Actor_Vivek) August 31, 2020
