லோகேஷ் இயக்கும் படத்தில் ராக்கி பாய் ?

மாநகரம் , கைதி , மாஸ்டர் ஆகிய படங்களை இயக்கியவர் நடிகர் லோகேஷ் கனகராஜ். இவர் இயக்கத்தில் சமீபத்தில் வெளியான படம் விக்ரம் .இந்த படத்தில் நடிகர் கமல்ஹாசன் நாயகனாக நடித்து இருந்தார் . மேலும் இந்த படத்தில் நடிகர்கள் பஹத் பாசில், விஜய் சேதுபதி, உள்ளிட்ட பலர் நடித்து இருந்தனர் . நடிகர் சூர்யா இந்த படத்தில் சிறப்பு தோற்றத்தில் நடித்து இருந்தார் .‛விக்ரம்’ படம் அதிரடி ஆக்சன் கதையில் தயாராகி இருந்தது . இந்த படத்திற்கு அனிருத் இசையமைத்து இருந்தார் .

இந்நிலையில், இயக்குனர் லோகேஷ் தனது அடுத்த படத்திற்கு நடிகர் விஜய்யுடன் ‘தளபதி 67’ படத்தை இயக்க உள்ளார் என்று கூறப்படுகிறது. இப்படத்தில் நடிகை த்ரிஷா நாயகியாக நடிக்க இருப்பதாகவும் கூறப்படுகிறது. அதிகாரப்பூர்வ அறிவிப்புகள் விரைவில் வெளியாகும் என்று நம்பப்படுகிறது .

இதற்கிடையில் கன்னட நடிகர் யஷ் அவர்களை வைத்து லோகேஷ் படம் எடுக்க உள்ளார் என்ற செய்தி சமூக வலைத்தளங்களில் வெளியாகி காட்டுத்தீயாக பரவி வருகிறது . யாஷ் நடிக்கும் படத்திற்கான கதையை லோகேஷ் தயார் செய்துவிட்டதாகவும், இதுவும் லோகேஷின் யுனிவர்ஸ் கான்செப்ட்டில் இருக்கும் என்றும் கூறப்படுகிறது. ஆனால் இது தொடர்பாக ஏன்டா ஒரு அதிகார்வபூர்வ அறிவிப்பும் வெளியாகவில்லை என்பது
குறிப்பிடத்தக்கது .