லோகேஷ் படத்தில் இரண்டு நாயகிகளா ?

நடிகர் விஜய் தற்போது வம்சி இயக்கத்தில் வாரிசு படத்தில் நடித்து வருகிறார் . தெலுங்கில் பிரபல தயாரிப்பாளராக இருக்கும் தில் ராஜு இந்த படத்தை தயாரித்து வருகிறார் . ராஷ்மிகா நாயகியாக நடிக்கும் இந்த படத்திற்கு தமன் இசையமைத்துள்ளார். பிரபு , சரத்குமார் , பிரகாஷ் ராஜ் ,குஷ்பு , ஷ்யாம் , உள்ளிட்ட பல நட்சத்திரங்கள் இந்த படத்தில் நடித்து உள்ளனர் .

இந்நிலையில் வாரிசு படம் 2023 -ஆம் ஆண்டு பொங்கலுக்கு வெளியாக உள்ளது . இந்த படத்தின் முதல் இரண்டு பாடல்கள் வெளியாகி ரசிகர்களிடம் நல்ல வரவேற்பை பெற்று வருகிறது . சிம்பு குரலில் வெளியான இரண்டாவது பாடலான ” தீ தளபதி ” பாடல் தற்போது ட்ரெண்டிங்கில் உள்ளது

இது ஒரு பக்கம் இருக்க நடிகர் விஜய் அடுத்த நடிக்க உள்ள படம் தளபதி 67 படத்தின் பூஜை சென்னையில் இன்று நடந்தது . இந்த படத்தை லோகேஷ் இயக்க உள்ளார் . தயாரிப்பாளர் லலித் இந்த படத்தை தயாரிக்கிறார் . த்ரிஷா இந்த படத்தில் நாயகியாக நடிக்கிறார் என்ற தகவல் வெளியாகி இருந்த நிலையில் தற்போது மேலும் ஒரு நாயகி இதில் நடிக்க உள்ளார். வணக்கம் சென்னை, எதிர்நீச்சல் போன்ற படங்களில் நடித்த பிரியா ஆனந்த இந்த படத்தில் இரண்டாவது நாயகியாக நடிக்க உள்ளார். லோகேஷ் இயக்கும் படத்தில் இரண்டு நாயகிகள் நடிக்க உள்ளனர் என்ற செய்தி ரசிகர்களுக்கு ஆச்சரியத்தை தந்துள்ளது.