சினிமாவில் டாப் ஹீரோக்களில் ஒருவராக வலம் வருபவர் ‘உலக நாயகன்’ கமல் ஹாசன். இப்போது இவர் நடிப்பில் ஷங்கரின் ‘இந்தியன் 2’, பிரபாஸின் ‘கல்கி 2898 AD’, மணிரத்னத்தின் ‘தக் லைஃப்’, இயக்குநர் ஹெச்.வினோத் படம் என நான்கு படங்கள் லைன் அப்பில் இருக்கிறது.
கமல் ஹாசன் கதை – திரைக்கதை எழுதி, நடித்து 2001-ஆம் ஆண்டு வெளியான படம் ‘ஆளவந்தான்’. இந்த படத்தை பாப்புலர் இயக்குநர்களில் ஒருவரான சுரேஷ் கிருஷ்ணா இயக்கியிருந்தார். இதில் கமலுக்கு ஜோடியாக ரவீனா டாண்டன் நடித்திருந்தார்.
மேலும், மிக முக்கிய ரோல்களில் மனிஷா கொய்ராலா, சரத்பாபு, அனுஹாசன், ரியாஸ்கான் மற்றும் பலர் நடித்திருந்தனர். இதனை ‘V கிரியேஷன்ஸ்’ என்ற நிறுவனம் சார்பில் கலைப்புலி.எஸ்.தாணு தயாரித்திருந்தார். இந்த படத்தை கடந்த டிசம்பர் 8-ஆம் தேதி திரையரங்குகளில் ரீ-ரிலீஸ் செய்தனர். தற்போது, கடந்த 7 நாட்களில் இப்படம் தமிழ்நாட்டில் மட்டும் ரூ.60 லட்சம் வசூல் செய்துள்ளதாக தகவல் கிடைத்துள்ளது.
Home