Chiyaan Vikram 62 : ‘சீயான்’ விக்ரமின் 62-வது படத்தை இயக்கும் ‘சித்தா’ இயக்குநர்… ஷூட்டிங் எப்போது ஆரம்பமாகப்போகுது தெரியுமா?

சினிமாவில் டாப் நடிகர்களில் ஒருவராக வலம் வருபவர் ‘சீயான்’ விக்ரம். ஒவ்வொரு படத்துக்கும் விக்ரம் தனது கெட்டப்பை மாற்றி ரசிகர்களிடம் அப்ளாஸ் வாங்கி வருகிறார். இவர் நடிப்பில் ‘துருவ நட்சத்திரம், தங்கலான்’ என 2 படங்கள் லைன் அப்பில் இருக்கிறது.

சமீபத்தில், விக்ரமின் கால்ஷீட் டைரியில் ஒரு புதிய படம் இணைந்தது. இந்த படம் விக்ரமின் கேரியரில் 62-வது படமாம். இதை ‘சேதுபதி, சித்தா’ புகழ் இயக்குநர் SU.அருண் குமார் இயக்கவிருக்கிறார்.

இதனை ‘HR பிக்சர்ஸ்’ நிறுவனம் சார்பில் ரியா ஷிபு தயாரிக்கவுள்ளார். இதற்கு ஜி.வி.பிரகாஷ் குமார் இசையமைக்கவுள்ளார். கடந்த அக்டோபர் மாதம் வெளியிடப்பட்ட இதன் அறிவிப்பு வீடியோ படத்தின் மீதான எதிர்பார்ப்பை எகிற வைத்தது. தற்போது, இந்த படத்தின் ஷூட்டிங்கை வருகிற மார்ச் மாதம் ஆரம்பிக்கத் திட்டமிட்டுள்ளதாக தகவல் கிடைத்துள்ளது.