தமிழ் சினிமாவில் பாப்புலர் இயக்குநர்களில் ஒருவராக வலம் வருபவர் பிரதீப் ரங்கநாதன். இவர் இயக்கிய முதல் படமே சூப்பர் ஹிட்டானது. அது தான் ‘கோமாளி’. இதில் ஹீரோவாக ‘ஜெயம்’ ரவி நடித்திருந்தார்.
பிரதீப் ரங்கநாதன் இயக்கி, ஹீரோவாக நடித்த ‘லவ் டுடே’ திரைப்படம் 2022-ஆம் ஆண்டு ரிலீஸானது. இதில் பிரதீப் ரங்கநாதனுக்கு ஜோடியாக இவானா நடித்திருந்தார். இப்படம் ரசிகர்களிடையே நல்ல வரவேற்பை பெற்று மெகா ஹிட்டானது. இதனைத் தொடர்ந்து பிரதீப் ரங்கநாதன் ஹீரோவாக நடிக்கும் புதிய படத்தை இயக்குநர் விக்னேஷ் சிவன் இயக்குகிறார்.
‘LIC’ (Love Insurance Corporation) என டைட்டில் சூட்டப்பட்டுள்ள இந்த படத்தில் ஹீரோயினாக க்ரித்தி ஷெட்டி நடிக்கிறார். மேலும், மிக முக்கிய ரோல்களில் எஸ்.ஜே.சூர்யா, யோகி பாபு நடிக்கிறார்கள். இதற்கு அனிருத் இசையமைக்கிறார், ரவிவர்மன் ஒளிப்பதிவு செய்கிறார், பிரதீப்.ஈ.ராகவ் படத்தொகுப்பாளராக பணியாற்றுகிறார்.
இதனை ‘7 ஸ்க்ரீன் ஸ்டூடியோ’ நிறுவனத்துடன் இணைந்து விக்னேஷ் சிவன் தனது சொந்த தயாரிப்பு நிறுவனமான ‘ரௌடி பிக்சர்ஸ்’ மூலம் தயாரிக்கிறார். இதன் ஷூட்டிங் பரபரப்பாக நடைபெற்று வருகிறது. தற்போது, இப்படத்தில் பிரதீப் ரங்கநாதனின் அப்பா ரோலில் நடிக்க இயக்குநரும், நாம் தமிழர் கட்சியின் தலைமை ஒருங்கிணைப்பாளருமான சீமான் கமிட்டாகியுள்ளதாக தகவல் கிடைத்துள்ளது.
Home