தமிழ் சினிமாவின் முன்னணி நடிகர்களில் ஒருவரான விஜய் சேதுபதி, தன் குணச்சித்திர நடிப்பால் ரசிகர்கள் மனதை பெருமளவில் கவர்ந்துள்ளார். இவருக்கு தற்போது பெரிய ரசிகர்கள் பட்டாளமே இருக்கிறது.
இவர் சினிமா மட்டுமல்லாது பல அரசியல் கருத்துகள் பற்றியும் வாழ்க்கை கருத்துகள் பற்றியும், அவ்வப்போது செய்திகளை தனது ட்விட்டர் பக்கத்தில் வெளியிடுவார்.
இதனைத் தொடர்ந்து தற்போது, தன் ட்விட்டர் பக்கத்தில் ராஜீவ்காந்தி கொலை வழக்கில் கைதான பேரறிவாளன் விடுதலை குறித்து அவர் தாய் அற்புதம்மாள் நடத்தி வரும் போராட்டத்திற்கு ஆதரவு தெரிவித்து பதிவிட்டுள்ளார்.
இதற்கு பல தரப்பினரும் தங்களது ஆதரவையும் எதிர்ப்பையும் மாற்றிமாற்றி தெரிவித்து வருகின்றனர்.
ராஜீவ்காந்தி கொலை வழக்கில் கைதான ஏழு பேரில் ஒருவரான பேரறிவாளனின் தாய், அவரது விடுதலைக்காக பல வருடங்களாக போராடி வரும் இந்த நிலையில் ,அவர் விடுதலையை ஆதரித்து பலர் தற்போது ட்விட்டர் பக்கத்தில் தங்கள் கருத்துக்களை தெரிவித்து வருகிறார்கள். அதில் இப்போது மக்கள் செல்வன் விஜய் சேதுபதி குறிப்பிடத்தக்கவராக உள்ளார்.
விஜய்சேதுபதி கடைசியாக கார்த்திக் சுப்புராஜ் இயக்கத்தில் வெளிவந்த ‘பேட்டை’ படத்தில் ஒரு முக்கிய கதாபாத்திரத்தில் நடித்திருந்தார். இதைத் தொடர்ந்து அடுத்து வெளியாகவிருக்கும் தளபதி விஜய்யின் ‘மாஸ்டர்’ படத்தில் ஒரு முக்கிய கதாபாத்திரத்தில் நடித்துள்ளார் என்பது குறிப்பிடத்தக்கது.
Home