எந்திரன் போட்டோவில் இருப்பது கிராஃபிக்ஸ் இல்லை.. நிஜ ரஜினிதான்…

தமிழ் திரைப்படவுலகின் சூப்பர் ஸ்டார் ரஜினிகாந்த் நடித்து 2010 ஆம் ஆண்டு வெளிவந்த பிரமாண்டமான திரைப்படம் “எந்திரன்”. பிரமாண்ட இயக்குனர் ஷங்கர் இயக்கத்தில் வெளிவந்த இந்தத் திரைப்படத்தில் சிறந்த கிராபிக்ஸ் காட்சிகள் மூலம் பார்ப்பவர்களை வியக்க செய்தார்கள்.

சன் பிக்சர்ஸ் கலாநிதி மாறன் தயாரிப்பில் வெளிவந்த இந்தத் திரைப்படத்தில் ரஜினிகாந்த், ஐஸ்வர்யா ராய், டேனி டென்ஷோன்ங்பா, சந்தானம், கருணாஸ் என பெரிய நட்சத்திரப் பட்டாளமே நடித்திருந்தது. ஏ.ஆர்.ரகுமான் இசையில் இந்தப் படத்தின் பாடல்கள் சூப்பர் ஹிட் அடித்தது. ஆர்.ரத்னவேலு இந்தப் படத்திற்கு ஒளிப்பதிவு செய்திருந்தார்.

இந்த படத்தில் விஞ்ஞானி மற்றும் ரோபோ என இரண்டு கதாபாத்திரங்களில் நடித்திருந்தார் ரஜினிகாந்த். எந்திரன் படம் பற்றிய விளம்பரங்களில், அப்போது ரோஜாப்பூவை ரோபோ வைத்திருப்பது போன்ற ஒரு புகைப்படம் வெளியாகியிருந்தது. எந்திரன் படம் என்றாலே ரசிகர்களுக்கு அந்த புகைப்படம் ஞாபகம் வந்து விடும். பலரும் இந்த புகைப்படத்தை கிராபிக்ஸ் என்று நினைத்திருந்தார்கள், ஆனால் தற்போது அந்த புகைப்படத்தின் மற்றொரு மாதிரியை வெளியிட்டு இந்த புகைப்படத்தில் ரஜினிகாந்த் அவர்கள் தான் போஸ் கொடுத்தார் என்று அந்த போட்டோ ஷூட் நடத்திய ஒளிப்பதிவாளர் ரிச்சர்ட் எம் நாதன் தெரிவித்துள்ளார்.

This was a photoshoot I did for #enthiran in 2008.
Ppl thot it was CGI, it's not. Thalaivar was pained for the shoot. Check the unreleased second photo. @shankarshanmugh #throwback #alwaysthalaivar #superstar pic.twitter.com/UNkyNCNNIc

— Richard M Nathan (@Richardmnathan) June 24, 2020

இதுபற்றி ரிச்சர்ட்”2008 இல் நாம் நடத்திய போட்டோஷூட் இது. இதை கிராபிக்ஸ் என்று பலரும் நினைத்தார்கள். ஆனால் ரஜினிகாந்த் இந்த ஷூட்டிங்காக மிகவும் சிரமப்பட்டார். இந்த புகைப்படத்தில் இன்னொரு மாதிரி இதோ!” இவர் தனது டுவிட்டர் பக்கத்தில் பதிவிட்டுள்ளார்.