வைரலாகும் சிம்புவின் டான்ஸ் வீடியோ!

தமிழில் முன்னணி நடிகர்களுள் ஒருவரான சிம்பு நடித்து 2019ஆம் ஆண்டு சுந்தர்.சி இயக்கத்தில் வெளிவந்த திரைப்படம் “வந்தா ராஜாவா தான் வருவேன்”. இந்தப்படம் 2013 ஆம் ஆண்டு வெளியான “அட்டாரின்டிகி தரேடி” என்ற தெலுங்கு படத்தின் ரீமேக் ஆகும்.

லைகா புரொடக்ஷன்ஸ் தயாரிப்பில் நடிகர் சிம்புவுடன் மேகா ஆகாஷ், கேத்தரின்தெரசா, ரம்யாகிருஷ்ணன், பிரபு, நாசர், ராதாரவி, மகத், யோகிபாபு, விடிவி கணேஷ் என பெரிய நட்சத்திர பட்டாளமே இந்த படத்தில் நடித்திருந்தார்கள்.

கோபி அமர்நாத் ஒளிப்பதிவில் இந்த படத்திற்கு ஹிப் ஹாப் தமிழா ஆதி இசையமைத்திருந்தார். இந்த படத்தின் வசனங்களை கே.செல்வபாரதி எழுதியிருந்தார்.

ஹிப்ஹாப் தமிழா இசையில் இந்த படத்தின் பாடல்களுக்கு டான்ஸ் மாஸ்டர் சதீஷ் கோரியோகிராபி செய்திருந்தார். இந்த படத்தில் “பறவைகள்” எனும் பாடலுக்கு அவர் கோரியோகிராப் செய்திருந்த ஒரு வீடியோவை நினைவுகூர்ந்து தனது இன்ஸ்டாகிராமில் தற்போது வெளியிட்டுள்ளார்.

https://www.instagram.com/p/CB40kwSnD5n/?igshid=ovvfwycjcdzq

சதீஷ் குறிப்பிட்டுள்ளதாவது” என்ன இருந்தாலும் எஸ்டிஆர் உடன் நடமாடுவது ஒரு தனி சந்தோஷம். நான் கோரியோகிராப் செய்தால் சில நொடிகளிலே அவர் கரெக்டாக செய்து முடித்து விடுவார். இது ஒரு மறக்க முடியாத அழகான அனுபவம்” என்றிருக்கிறார்.

சிம்பு நடனமாடியிருக்கும் இந்த வீடியோ அவரது ரசிகர்களிடையே தற்போது வைரலாகி வருகிறது.