தமிழில் பிரபல நடிகரான சிம்பு மற்றும் முன்னணி நடிகைகளில் ஒருவரான திரிஷா இணைந்து நடித்து வெளிவந்த திரைப்படம் “விண்ணைத்தாண்டி வருவாயா”. கௌதம் வாசுதேவ் மேனன் இயக்கத்தில் உருவான இந்தப் படத்தில் நடித்தது முதல் இவர்கள் இருவருமே நெருங்கிய நண்பர்களாக பழகி வந்தார்கள்.
சமீபத்தில் நடிகர் சிம்பு ஒரு வெளிநாட்டுப் பெண்ணை காதலித்து வருவதாகவும், அவரை திருமணம் செய்யவிருப்பதாகவும் செய்தி பரவியது. பின்பு ஒரு நேரலையில் பேசிய நடிகர் சிம்புவின் தந்தை டி.ஆர்.ராஜேந்தர், அது வெறும் வதந்தி என்றும், சிம்புவிற்கு பெண் பார்த்து வருவதாகவும் கூறினார்.
தற்போது நடிகர் சிம்பு மற்றும் திரிஷா திருமணம் செய்து கொள்ளவிருப்பதாக செய்தி பரவி வருகிறது. இதைப்பற்றி சிம்புவோ அல்லது திரிஷாவோ எந்தவிதமான செய்தியும் வெளியிடவில்லை. மேலும் இது தேவையில்லாத வதந்தி என்று பலரும் கூறுகிறார்கள்.
நடிகர் சிம்பு மற்றும் திரிஷா சமீபத்தில் கௌதம் வாசுதேவ் மேனன் இயக்கத்தில் “கார்த்திக் டயல் செய்த எண்” என்ற குறும்படத்தில் ஒன்றாக நடித்தார்கள். இந்த குறும்படம் “விண்ணைத்தாண்டி வருவாயா” படத்தின் சீக்குவளாக அமைந்தது.
நடிகை திரிஷா நடிகர் ராணா டகுபதியை சில ஆண்டுகள் டேட்டிங் செய்து வந்தார். பின்பு இந்த ஜோடி பிரிந்து விட்ட நிலையில் நடிகை திரிஷாவிற்கு தயாரிப்பாளர் வருண் மணியன் என்பவருடன் 2015ஆம் ஆண்டு நிச்சயதார்த்தம் நடந்தது. பின்பு சில கருத்துவேறுபாடு காரணங்களால் இவர்களது கல்யாணம் நின்றுவிட்டது. நடிகர் சிம்பு கடைசியாக ஹன்சிகாவை காதலித்து வந்ததாக செய்தி வந்தது, அதை தொடர்ந்து அவருக்கு வெளிநாட்டுப் பெண் ஒருவருடன் திருமணம் என்று வதந்தி பரவி, தற்போது திரிஷாவுடன் திருமணம் என்று வதந்தி வெளியாகியுள்ளது.
Home