2017 ஆம் ஆண்டு புஷ்கர் மற்றும் காயத்ரி இயக்கத்தில் வெளியான திரைப்படம் “விக்ரம்-வேதா”. எஸ்.சசிகாந்தின் ஒய் நாட் ஸ்டுடியோஸ் இந்த படத்தை தயாரித்தது.
இந்த படத்தில் விக்ரமாக மாதவனும் வேதாவாக விஜய் சேதுபதியும் நடித்திருந்தார்கள். இவர்களுடன் ஷ்ரத்தா ஸ்ரீநாத், வரலட்சுமி சரத்குமார் மற்றும் கதிர் ஆகியோர் நடித்திருந்தார்கள்.
சாம்.சி.எஸ் இந்தப் படத்திற்கு பின்னணி இசையும் பாடல்களையும் இசையமைத்திருந்தார். இவரின் இசை இந்த படத்திற்கு பலம் சேர்த்தது என்று சொன்னால் அது மிகையாகாது. பிஎஸ் வினோத் ஒளிப்பதிவில் இந்த படத்தின் காட்சிகள் கனகச்சிதமாக அமைந்திருந்தது.
ரிச்சர்ட் கெவின் இந்த படத்திற்கு எடிட்டிங் செய்திருந்தார். 2015 ஆம் ஆண்டு தொடங்கப்பட்ட இந்த திரைப்படத்தின் பேச்சுவார்த்தை, 2017 ஆம் ஆண்டு தான் இந்த படம் வெளியானது. ஆனால் வெளியான முதல் நாளே இந்த படம் ரசிகர்களின் ஈர்ப்பை பெற்றது. அனைவரின் பாராட்டையும் குவித்து பிளாக்பஸ்டர் திரைப்படமாக இந்த படம் கொண்டாடப்பட்டது.
இந்தப்படத்தில் எது தவறு எது சரி என்ற விக்ரமின் கேள்விகளுக்கு இரண்டிற்கும் நடுவில் ஒரு விஷயம் இருக்கிறது என்று வேதாளம் புரிய வைக்கும் ஒரு நோக்கமே கதை கருவாக அமைக்கப்பட்டிருந்தது சுவாரஸ்யமான விஷயமாகும்.
இந்தப் படத்தின் கதாபாத்திரங்களுக்கு ஏன் மாதவனையும் விஜய் சேதுபதியும் தேர்வு செய்தார்கள் என்று புஷ்கர் காயத்ரியிடம் கேட்டபோது, இந்தப் படத்தின் கதையை எழுதும்போதே வேதாவின் கதாபாத்திரத்திற்கு விஜய்சேதுபதி தான் பொருத்தமாக இருப்பார் என்று மனதில் வைத்திருந்தோம். அதேபோல ஒரு நேர்மையான போலீஸ் அதிகாரி வேடத்திற்கு மாதவன் சரியாக இருப்பார் என்று முடிவு செய்து அவரை தேர்வு செய்தோம் என்றார்கள்.
பழங்காலத்து கதையான விக்ரமன் மற்றும் வேதாளம் கதையை சார்ந்து இந்த படத்தின் கதை கரு அமைக்கப்பட்டதாக இதன் இயக்குனர்கள் கூறினார்கள்.
இந்த படத்தில் வரும் கருப்பு வெள்ளை என்ற பாடலின் வரிகளை இயக்குனர் விக்னேஷ் சிவன் எழுதினார் என்பது சுவாரசியமான தகவல். இந்தப் படம் பின்னர் இந்தியில் டப் செய்து வெளியிடப்பட்டது.
இந்த திரைப்படம் வெளியாகி மூன்று ஆண்டுகளை நிறைவு செய்திருந்தாலும் இன்றும் ரசிகர்கள் மனதில் நீங்காத இடத்தை இந்த படம் பிடித்திருக்கிறது. விக்ரம்-வேதா வாழ்க்கையின் கருத்தை 2 மணி நேரம் 45 நிமிடங்களில் கூறிய திரைப்படம்!
Pour jouer sans formalités lourdes, un casino sans kyc simplifie les démarches tout en gardant des paiements rapides et un support accessible.
Long-haul drivers can build genuine connections through shared interests and conversation on a trucker dating site, making it easier to meet someone who understands the road.