தமிழில் மவுசு கூடும் மலையாள நடிகை- ஆரம்பத்திலேயே இந்த நடிகர்களுடனா?

ஹலித் ரகுமான் இயக்கத்தில் 2011ம் ஆண்டு வெளியான மலையாள படமான “அனுராக கரிக்கின் வெள்ளம்” என்ற திரைப்படம் மூலம் திரையுலகிற்கு அறிமுகமான நடிகை ரஜிஷா விஜயன்.

மலையாளத்தில் சில படங்களில் மட்டுமே நடித்து வந்த இவர், தற்போது மாரி செல்வராஜ் இயக்கத்தில் தனுஷ் நடிப்பில் உருவாகிவரும் “கர்ணன்” என்ற படத்தில் நடித்து வருகிறார்.

கலைப்புலி எஸ்.தாணு தனுஷின் “அசுரன்” திரைப்படத்தை அடுத்து கர்ணன் திரைப்படத்தை தற்போது தயாரிக்கிறார். நடிக்கத் தொடங்கிய புதிதிலேயே தனுஷ் படம் மூலம் தமிழ் திரையுலகில் காலெடுத்து வைத்திருக்கும் ரஜிஷாவுக்கு பட வாய்ப்புகள் தற்போது குவிந்து வருகிறதாம்.

கர்ணன் படம் மட்டுமல்லாது ஏற்கனவே மலையாளத்தில் இரண்டு படங்களில் தற்போது நடித்து வரும் இவர், நடிகர் விஜய் சேதுபதியுடன் நடிப்பதற்கு இப்போது கமிட்டாகி உள்ளாராம்.

சில படங்களில் மட்டுமே நடித்து பின் தமிழ் திரையுலகில் கால் பதித்து வெற்றிபெறும் மலையாள நடிகைகளுள் ஒருவராக தற்போது ரஜிஷா விஜயன் ஒருவராகியுள்ளார்.

விஜய் சேதுபதி தற்போது தன் கைவசம் பல படங்களை வைத்துள்ளார். கடைசியாக இவர் இலங்கை கிரிக்கெட் வீரரான முத்தையா முரளிதரன் வாழ்க்கை வரலாற்று கதையில் நடிப்பதற்கு ஒப்பந்தமாகியுள்ளார் என் செய்தி வெளியிட்டுள்ளார். இந்த படத்தின் படப்பிடிப்புகள் விரைவில் தொடங்கும் என்று திரைப்படக் குழு தெரிவித்துள்ளது.