2014 ஆம் ஆண்டு எச்.வினோத் இயக்கத்தில் வெளியான “சதுரங்கவேட்டை” படத்தின் மூலம் தமிழ் ரசிகர்களிடையே நீங்காத இடத்தைப் பிடித்தவர் நடிகர் மற்றும் ஒளிப்பதிவாளர் நடராஜன் என்கிற நட்டி.
எச்.வினோத் இயக்கத்தில் வெளியாகி ரசிகர்களிடையே நல்ல வரவேற்பை பெற்ற சதுரங்க வேட்டை படத்தின் சிக்குவலான சதுரங்க வேட்டை 2 படத்தை நிர்மல்குமார் இயக்கியிருந்தார்.
இந்த படத்தில் அரவிந்த்சாமி மற்றும் திரிஷா நடித்திருந்தார்கள். மனோபாலா பிக்சர் ஹவுஸ் இந்த படத்தை தயாரித்திருந்தார்கள். பல ஆண்டுகளாக வெளிவராமல் கிடப்பில் கிடந்த இந்த திரைப்படம் தற்போது ஓடிடியில் வெளிவரவுள்ளதாக தற்போது தகவல் வெளியாகி உள்ளது.
இந்த படத்திற்கு அஸ்வமித்ரா இசையமைத்துள்ளார். கே.ஜி.வெங்கடேஷ் இந்தப் படத்தின் காட்சிகளை ஒளிப்பதிவு செய்துள்ளார். தற்போது இந்தப் படத்தை ஏற்கனவே தெலுங்கில் ரீமேக் செய்யலாம் என்று முடிவு செய்திருந்த ரவி தேஜா மற்றும் ரமேஷ் வர்மா இந்தப் படம் டிஜிட்டலில் வெளியானால் அதை ரீமேக் செய்வதில் அர்த்தமில்லை என்று தற்போதைக்கு இந்த யோசனையைத் தள்ளி வைத்துள்ளார்களாம்.
சதுரங்க வேட்டை 2 OTTயில் வெளியானால் இந்த படம் தெலுங்கில் ரீமேக் ஆக வாய்ப்பில்லை. இந்த படம் தமிழில் எப்போது வெளியாகும் என்பதற்கான அதிகாரப்பூர்வமான தகவல் இன்னும் வெளிவரவில்லை. இந்த த்ரில்லர் திரைப்படம் ஏற்கனவே ரசிகர்களிடம் நல்ல வரவேற்பைப் பெற்றதால், இதன் இரண்டாம் பாகம் எப்படி இருக்கும் என்று ரசிகர்களிடையே அதிக ஆர்வம் நிலவி வருகிறது.
Home