‘கே.ஜி.எஃப் 2’வில் பிரகாஷ் ராஜின் கேரக்டர் ஸ்கெட்ச் இது தானா?… விளக்கமளித்த இயக்குநர்!

‘கே.ஜி.எஃப்’ படத்தின் பார்ட் 2-வை இயக்குநர் பிரஷாந்த் நீல் இயக்கி கொண்டிருக்கிறார். இந்த படத்தில் கதையின் நாயகனாக யாஷ் நடிக்கிறாராம். மேலும், முக்கிய ரோல்களில் ஸ்ரீநிதி ஷெட்டி, ரவீனா டாண்டன் ஆகியோர் நடிக்கிறார்கள். ‘அதீரா’ என்ற பவர்ஃபுல்லான வில்லன் ரோலில் சஞ்சய் தத் நடிக்கிறார். இதன் முதல் பாகம் சூப்பர் ஹிட்டானதால், ரசிகர்களுக்கு பார்ட் 2 மீதான எக்ஸ்பெக்டேஷன் லெவல் உச்சத்தில் இருக்கிறது.

இப்படத்தின் படப்பிடிப்பு ஜெட் ஸ்பீடில் நடைபெற்று வந்தது. பின், ‘கொரோனா’ பிரச்சனையால் திரையுலகில் அனைத்து படங்களின் படப்பிடிப்புகளும் நிறுத்தப்பட்டது. ஏற்கனவே, 90 % ஷூட்டிங் நிறைவடைந்து விட்டதாம். இன்னும் 25 நாட்களின் ஷூட்டிங் மட்டுமே பேலன்ஸாம். இதற்காக பெங்களூரில் உள்ள மினர்வா மில்ஸில் பிரம்மாண்ட செட் போடப்பட்டுள்ளதாம். நேற்று (ஆகஸ்ட் 26-ஆம் தேதி) முதல் இந்த ஷெடியூலுக்கான ஷூட்டிங்கை துவங்கியுள்ளனர். இந்த ஷெடியூலில் நடிகர் பிரகாஷ் ராஜும் கலந்து கொண்டுள்ளார்.

ஷூட்டிங் ஸ்பாட்டில் எடுக்கப்பட்ட பிரகாஷ் ராஜின் ஸ்டில்ஸ் சமூக வலைத்தளங்களில் வெளியாகி வைரலானது. இதை பார்த்த பலரும் முதல் பாகத்தில் ஆனந்த் நாக் நடித்த ரோலில் தான், அவருக்கு பதிலாக பிரகாஷ் ராஜ் நடிப்பதாக சொல்லப்பட்டது. இது தொடர்பாக இயக்குநர் பிரஷாந்த் நீலிடம் விசாரித்த போது “இந்த தகவல் உண்மையல்ல. பிரகாஷ் ராஜ் ஒரு புதிய கேரக்டரில் நடிக்கிறார்” என்று கூறியுள்ளார். படத்தை கன்னடம், தெலுங்கு, ஹிந்தி, தமிழ், மலையாளம் என ஐந்து மொழிகளில் ரிலீஸ் செய்யத் திட்டமிட்டுள்ளனர்.