இயக்குனர் லோகேஷ் கனகராஜுக்கு அடித்த லக்!

சூப்பர் ஸ்டார் ரஜினிகாந்த் மற்றும் உலக நாயகன் கமல்ஹாசன் இணைந்து நடிப்பார்களா என்று இருவரது ரசிகர்களும் பலவருடங்களாக எதிர்பார்த்து காத்திருக்கிறார்கள்.

இந்நிலையில் ராஜ்கமல் பிலிம்ஸ் தயாரிப்பில் ரஜினி நடிப்பில் உருவாகவுள்ள “தலைவர் 169” திரைப்படத்தை லோகேஷ் கனகராஜ் இயக்க உள்ளதாக ஏற்கனவே செய்தி வெளியாகியிருந்தது.

தற்போது இந்த படத்தின் படப்பிடிப்பு நடப்பதற்கான வாய்ப்புகள் அதிகமாக உள்ளதாக செய்தி வந்துள்ளது‌. தற்போது திரைப்பட படப்பிடிப்புகள் தொடங்குவதற்கான அனுமதி அளிக்கப்பட்டுள்ளதால் ரஜினியின் லோகேஷ் கனகராஜ் இயக்கத்தில் உருவாகவுள்ள இப்படத்தின் படப்பிடிப்பு தொடங்குவதற்கான வாய்ப்புகள் அதிகம் மற்றும் ரஜினி முழு பாதுகாப்புடன் படப்பிடிப்பு நடத்துவதானால் அதற்கு சம்மதம் தெரிவித்துள்ளதாகவும் செய்தி வந்துள்ளது.

மேலும் உலக நாயகன் கமல்ஹாசன் தனக்கு ஒரு ஸ்கிரிப்டை தயார் செய்யும்படி லோகேஷ் கனகராஜிடம் கேட்டுக் கொண்டுள்ளாராம். மேலும் ரஜினி அனுமதி அளித்தவுடன் “தலைவர் 169” படத்தின் படப்பிடிப்பை தொடங்குமாறும் கூறியுள்ளாராம்.

முந்தைய பெரிய இயக்குனர்களான பாலச்சந்தர், முத்துராமன் போன்றவர்களை அடுத்து உலகநாயகன் கமல்ஹாசன் மற்றும் சூப்பர் ஸ்டார் ரஜினிகாந்த்தை வைத்து இயக்குவதற்கான வாய்ப்பு லோகேஷ் கனகராஜுக்கு கிடைத்துள்ளதால் மிகுந்த மகிழ்ச்சியில் இருக்கிறாராம் இந்த இளம் இயக்குனர்.