யுவனுடன் இருக்கும் புகைப்படத்தை ரீ-கிரியேட் செய்த பிரேம்ஜி!

நடிகர் பிரேம்ஜி, இயக்குனர் வெங்கட் பிரபு மற்றும் யுவன் சங்கர் ராஜா ஆகியோரது நட்பு பற்றி திரைத்துறையில் மட்டுமின்றி அனைவருக்கும் தெரிந்த விஷயமே.

சமீபத்தில் பிறந்தநாளை கொண்டாடிய யுவன் சங்கர் ராஜாவுக்கு வாழ்த்து தெரிவித்த பிரேம்ஜி அமரன் சிறு வயதில் அவருடன் எடுத்த புகைப்படம் ஒன்றை சமீபத்தில் ரீ- கிரியேட் செய்து அதை வெளியிட்டுள்ளார். இந்த புகைப்படம் தற்போது இணையதளத்தில் வைரலாகி வருகிறது.

பிரேம்ஜி அமரன், யுவன் சங்கர் ராஜா மற்றும் “பேய் பசி” படத்தில் நடித்திருந்த ஹரி கிருஷ்ண பாஸ்கர் ஆகிய மூவரும் சிறு வயதில் எடுத்த புகைப்படம் ஒன்றை தற்போது ரீ-கிரியேட் செய்துள்ளார்கள்.

இவர்கள் 1984ஆம் வருடம் எடுத்த புகைப்படம் ஒன்றையும், 1993-ஆம் வருடம் எடுத்த புகைப்படம் ஒன்றையும் தற்போது 2020ல் ரீ கிரியேட் செய்து வெளியிட்டுள்ளார்கள்.

தற்போது யுவன் சங்கர் ராஜா “டிக்கிலோனா” மற்றும் “கசடதபற” ஆகிய திரைப்படங்களுக்கு இசையமைத்து வருகிறார். மேலும் சந்தானத்தின் டிக்கிலோனா திரைப்படத்தில் இளையராஜாவின் ஒரு புகழ் பெற்ற பாடலை யுவன் சங்கர் ராஜா ரீ கிரியேட் செய்யவுள்ளாராம்.

https://www.instagram.com/p/CEl6GjxARDC/?igshid=1urokzzke6qwd

https://www.instagram.com/p/CEmRMXgAvnn/?igshid=oy9ngl79j9du